El Parlamentiniń tarıhymen tanysty

L.N. Gýmılev atyndaǵy Eýra­zııa ulttyq ýnıversıteti men ál-Fara­bı atyndaǵy Qazaq ulttyq ýnı­versıtetiniń stýdentteri Qazaq­stan Respýblıkasynyń Parla­men­tinde boldy, dep habarlady Senattyń baspasóz qyzmeti. Shara barysynda bolashaq zańgerler, saıasattanýshylar men áleýmettanýshylar joǵary zań shyǵarý organynyń ǵı­maratyna saıahat jasap, Senat pen Máji­listiń otyrys zaldarynda, birlesken oty­rys zalynda, halyqaralyq kezdesý zalynda, baspasóz ortalyǵynda, kitap­ha­nada boldy, jumys organdarynyń qyz­metimen tanysty. Saıahat barysynda Senat pen Májilis apparattarynyń qyzmetkerleri qos palataly Parlamenttiń tarıhymen tanystyrdy. Osydan dál 20 jyl buryn, 1996 jylǵy 30 qańtarda Qa­zaqstan Respýblıkasynyń Prezıdenti Nursultan Nazarbaev Parla­menttiń alǵashqy otyrysyn ashqan bo­latyn. Stýdentterge túrli shaqyry­lym­daǵy de­pýtattardyń qyzmeti týraly áńgi­mele­nip, sheteldik parla­ment­tik dele­ga­sııa­lardyń estelik syılyq­tarynyń kórmesi kórsetildi. Parlamentte bolǵan kezderinde stýdentter Senat depýtaty Birǵanym Áıti­movamen kezdesip, Qazaqstan parla­ment­arızminiń damýy týraly leksııasyn tyńdady, sondaı-aq, zań shyǵarý jumys­tarynyń erekshelikteri men keıbir quqyqtyq aktilerdiń mazmuny týraly qoıylǵan saýaldarǵa jaýap aldy.