Múmkindikter saralanǵan kezdesý

Qazaqstan Respýb­lıka­synyń Taıland Koroldigindegi elshisi Marat Esenbaev Taıland Saýda mınıstri Apıradı Tantrapornmen kezdesý ótkizdi. Kezdesý barysynda taraptar ekijaqty jáne kópjaqty pi­shimdegi ózara árekettestiktiń bolashaǵyn talqylady. Qazaqstan elshisi taı mınıstrin Qazaqstannyń aǵymdaǵy áleýmettik-ekonomıkalyq ahýalynan habardar etip, Elbasynyń «Qazaqstan jańa jahandyq naqty ahýalda: ósim, reformalar, damý» Joldaýy men «100 naqty qadam» Ult Jospary sheń­berindegi baǵdarlarymen tanys­tyrdy. A.Tantraporn «Qazaqstan men Taıland saýda jáne ınvestısııa sala­laryndaǵy ózara árekettestikti keńeıtýde joǵary áleýetke ıe eke­nin» atap ótti. Sonymen qatar, mınıstr Qazaqstandy Dúnıejúzilik saý­da uıymyna kirýimen quttyqtap, elder arasyndaǵy saýda-ekonomıkalyq almasýdy ártaraptandyrýǵa nıet bildirdi. Taraptar ASEAN (Ońtústik-Shyǵys Azııa memleketteriniń qaý­ym­dastyǵy) Ekonomıkalyq qaýym­das­­tyǵy men Eýrazııalyq ekono­mıkalyq odaq sheńberindegi serik­testik múmkindikterin de talqy­lady. Taıland Saýda mınıstri EAEO-ǵa qatysýshy memlekettermen Erkin saýda týraly kelisimge oty­rý múmkindigin talqylaýǵa nıet bildirdi. Kelissózder barysynda taraptar eki el kásipkerlerine baılanys ornatýda qolǵabys etýdiń mańyzdylyǵyn atap ótti. Suhbattastar jahandyq ekonomıkanyń quldyraýy kezindegi bıznes belsendiligi, seriktester izdeý men jańa jobalardy iske asyrý elder ekonomıkasy ósýiniń mańyzdy qozǵaltqyshy bolyp tabylady degen ortaq pikirge keldi. Osy maqsatta jańa saýda-ınvestısııalyq jobalardy talqylaý úshin bıyl Qazaqstanǵa saýda mıssııalarynyń saparlaryn uıymdastyrý týraly ýaǵdalastyqqa qol jetkizildi. «Egemen-aqparat».