Partııalyq tizimdi tirkeýge usyndy

Senbi, 30 qańtarda Ortalyq saılaý komıssııasyna 127 adam engizilgen «Nur Otan» partııasynyń partııalyq tizimi tirkeý úshin usynyldy. Saılaý zańnamasynyń talaptaryna sáıkes partııalyq tizimdi saıası partııanyń ókili «Nur Otan» partııasynyń partııalyq tizimdi usyný týraly kezekten tys XVII seziniń hattamasynan úzindi kóshirmemen birge bir mezgilde tapsyrǵan. О́kildiń ókilettikteri tıisti qujattarmen rastalǵan. Ortalyq saılaý komıs­sııasynyń taratqan aqparaty boıynsha, partııalyq tizimdi tirkeý úshin Ortalyq saılaý komıssııasyna mynadaı qujattar usynyldy: saıası partııanyń Qazaqstan Respýblıkasy Ádilet mınıstrliginde tirkelgeni týraly qujattyń kóshirmesimen qosa «Nur Otan» partııasynyń partııalyq tizimdi usyný týraly kezekten tys XVII seziniń hattamasynan úzindi kóshirmesi, partııalyq tizimge engizilgen azamattardyń tizimge engizýge kelisimi týraly ótinishteri, partııalyq tizimge engizilgen árbir adamnyń ómirbaıandyq derekteri, salyq organynyń partııalyq tizimge engizilgen kandıdattardyń jáne olardyń jubaılarynyń tabysy men múlki týraly dek­larasııa tapsyrǵany týraly anyqtamalary jáne partııalyq tizimge engizilgenderdiń «Nur Otan» partııasynda músheligin rastaıtyn qujattar. Saılaý zańnamasyna sáıkes «Nur Otan» partııasy ótken saılaýda daýys berýge qatysqan saılaýshylardyń jalpy sanynyń 7 paıyzdan artyq daýysyn alǵandyqtan, saılaý jarnasyn engizýden bosatylady. Álısultan QULANBAI, «Egemen Qazaqstan».