Aýyzbirligi yrysqa jetelegen elmiz

Ortalyq kommýnıkasııalar qyzmetindegi dástúrli brıfıngke qatysqan qonaqtar Prezıdent Nursultan Nazarbaevtyń «Nur Otan» partııasynyń kezekten tys sezinde aıtylǵan oılarynyń qoǵam úshin qajetti paıym ekenimen ortaqtasty. Brıfıngte alǵashqy bolyp sóz alǵan memleket qaıratkeri, «Jańarý» atty jemqorlyqqa qarsy jalpyulttyq qoz­ǵalystyń basshysy Oralbaı Ábdikárimov: «О́tken jumada Elbasy «Nur Otan» par­tııasynyń kezekten tys sezinde qazirgi jaǵdaı qandaı ekenin, bolashaqqa qandaı jolmen baramyz degen suraqtardy kóterip, xalyqqa óz oıyn jetkizdi. Memleket bas­shysynyń aıtqan sózderi qaı salada eńbek etetin ár azamatqa, ol meıli ekonomıka, saıası, áleýmettik sala bolsyn úlken oı tý­dyrdy. Bizdiń qazirgi axýalǵa jaýabymyz qandaı bolmaq, tyǵyryqtan shyǵýdyń joldary qaısy, qaı isti qolǵa alyp, qalaı jumylý kerektigi uǵynyqty aıtyldy. Endi qalǵany – osyny júzege asyrý. Osy sezde qabyldanǵan sheshimderdi «Nur Otan» partııasynyń músheleri qoldap, sony saılaýdyń aldynda bolatyn úgit-nasıxat kezinde ári qaraı taldap, xalyqqa jetkizýge tyrysady. Bul saılaýdyń ózi xalyqtyń basyn biriktirýge, bir el etip jumyldyrýǵa baǵyttalǵan. Baıqasańyzdar, saılaýaldy baǵdarlama «Birlik. Turaqtylyq. Jasampazdyq» dep atalady. Saılaýǵa qatysqan qaı partııa da xalyqtyń birligin ańsaýy tıis. Elbasy aıtqandaı, basqa elderdiń tarıxyna kóz jibersek, olardyń búgingi jaǵdaıyna qarasaq, eger xalyq «bir jaǵadan bas, bir jeńnen qol» shyǵarǵanda ǵana úlken nátıjelerge qol jetkize alady. Mine, bizdi Prezıdentimiz Nursultan Nazarbaev osyǵan shaqyrdy», – dedi. O.Ábdikárimov sezde usynylǵan negizgi 5 basymdyqtyń oryndalýy el ıgiligi úshin qajettilik ekenine toqtaldy. Elbasynyń parııa minberinen aıtqan sózi qaı óńirde de qoldaý taýyp, halyqtyń Memleket basshysyna senip otyrǵanyn jetkizgen ol, aýyzbirligi bar eldiń yrysy mol bolatynyna senimdiligin jetkizdi. «Keleshekte qandaı jaǵdaılar, qandaı zaman týsa da, biz odan aman shyǵamyz, óıtkeni, bizdiń bárimizdiń oıymyz bir. Tarıhymyzdy eske alsaq, 1991 jyldan beri qıyndyqtar bolǵan, sonyń barlyǵynan birliktiń arqasynda ótip, ekonomıkany qaryshtatyp, jeńip shyqqan elmiz. Arqa tósine ajarlandyryp Astana salǵan, bıik-bıik asýlardy artqa tastaǵan, álemge tanymal bolǵan elmiz», – dedi «Ja­ńarý» qozǵalysynyń tóraǵasy. Respýblıkalyq neıroxırýrgııa ǵylymı-zertteý ortalyǵynyń bas dırektory Serik Aqsholaqov: «Nur Otan» partııasynyń kezekten tys sezinde «Qazaqstan-2021: Birlik. Turaqtylyq. Jasampazdyq» saılaýaldy baǵdarlamasy qabyldandy. Elbasy óz sózinde mańyzdy jobalardy qalaı iske asyrý qajettigin aıtyp ótti. Sonyń ishinde densaýlyq saqtaý salasyn damytýǵa asa kóńil bólindi. Qazaqstanda sońǵy on jylda 50-den astam osyndaı medısınalyq nysan salyndy. Tek Astanamyzda ǵana birneshe ulttyq medısınalyq ortalyq ashyldy. Solardyń biri – Ulttyq neırohırýrgııa ortalyǵy. Búgingi kúni Ulttyq neırohırýrgııa ortalyǵynda jylyna 2600-den astam operasııa jasalady. Osy ortalyqtar ashylǵanǵa deıin bizdiń naýqastar shetelge barýǵa májbúr edi, ári ol saparǵa tek jaǵdaıy bar azamattar ǵana bara alatyn. Búginde biz naýqastarǵa tegin kómek kórsetemiz. Bul – damyǵan otyz eldiń qataryna kirý maqsatyna densaý­lyq saqtaý salasynyń qosqan úlesi dep bilemin. 2017 jyldan bastap mindetti áleýmettik medısınalyq saqtandyrý engiziledi jáne qoǵamdyq medısınalyq qyzmetti kóterip jatyr. Munyń barlyǵy qalyptasqan densaýlyq saqtaý júıesin odan ári nyǵaıtýǵa yqpal etedi. Bizdiń elimizdiń medısınasynda kórshi memleketterge qaraǵanda, jaqsy jańalyqtar kóp, ári salanyń damý qarqyny joǵary. Bul týraly da Elbasy partııa sezinde aıtyp ótti», – dedi. Kelesi rette sóz kezegin alǵan Qorǵanys mınıstrliginiń «Áskerı-texnıkalyq mektebi» RMK dırektory, general-maıor Vladımır Shaskov 2017 jyldan bastap tegin texnıkalyq jáne kásibı bilim berý aıasynda 16 áskerı mamandyq boıynsha oqytý bastalatynyn tilge tıek ete kele: «Tegin texnıkalyq jáne kásiptik bilim berý aıasynda maman daıarlaý qyzmeti bizde eki maqsatta damıtyn bolady. Eger biz munyń aldynda barlyq kategorııalar boıynsha texnıkalyq mamandar daıarlap kelsek, búginde Prezıdenttiń tapsyrmasyn oryndaý úshin materıaldyq-oqytý bazamyzdy túzedik. Endi aspazshy, naýbaıhanashy, slesar, dánekerleýshi syndy mamandyqtar boıynsha da oqytatyn bolamyz. Minberden aıtylǵan oılardyń ishinde qorǵanys salasyndaǵy barlyq azamattar men onyń ardagerleri úshin Elbasynyń patrıotızm týrasynda aıtqany qatty tolqytty. Prezıdent bıik maqsattar qoıyp, sony jeńip, al jeńisterin eline arnaǵan azamattar jaıynda qalaı tamasha aıtty. Bizdiń Otanymyz – Qazaqstan, kindik qanymyz tamǵan, ósken, óngen jerimizge qýanysh syılaý, ol úshin jankeshti eńbek etip, qas qaqpaı tynyshtyǵyn kúzetý paryz», – dedi ol. Munan soń brıfıngke qatysýshylar jýrnalıster tarapynan qoıylǵan saýaldar­ǵa jaýap berdi. Máselen, medısınada­ǵy jańa­lyqtarǵa qatysty Serik Aqsholaqov jekemenshik klınıkalardyń da memleket­tiń kepildendirilgen tegin medısınalyq kómek kórsetý baǵdarlamasyna qatysa alatynyn, atalǵan sharanyń densaýlyq saqtaý mekemeleri arasynda joǵary bá­se­kelestikti týdyryp, túptep kelgende, onyń xalyqqa kórsetiletin medısınalyq qyzmettiń sapasyn arttyratynyna senimdi ekenin jetkizdi. Anar TО́LEÝHANQYZY, «Egemen Qazaqstan».