QARAǴANDY. 2 aqpan. Qaraǵandy oblysynyń Jańaarqa aýdanynda «Maqsat» sharýa qojalyǵynyń basshysy týǵan aýylyna sport keshenin salyp berdi. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
Túgisken aýylynda boı kótergen sport kesheniniń qurylysyn «Maqsat» sharýa qojalyǵynyń basshysy Qaırat Kópbaev qarjylandyrǵan. Jobanyń quny – 110 mıllıon teńge.
Jańa sport kesheninde aýyl turǵyndary voleıbol, basketbol, shaǵyn fýtbol jáne kúrespen aınalysa alady. Jattyǵý zaly zamanaýı sporttyq qural-jabdyqtarmen qamtamasyz etilgen.
Qaırat Kópbaev basqaryp otyrǵan «Maqsat» sharýa qojalyǵy qazaqtyń aqbas sıyrlarynyń etti tuqymyn ósirip-baǵýmen aınalysady. Búgingi kúnde sharýashylyqta otyzǵa tarta adam jumys isteıdi.
Qaırat Ábildınov.
Derek, sýret: Qaraǵandy oblys ákiminiń baspasóz qyzmeti.
