WhatsApp qosymshasyn paıdalanýshylar sany 1 mlrd.-qa jetti

ASTANA. 2 qańtar. WhatsApp messendjerin belsendi paıdalanýshylar sany bir mıllıardqa jetti. Bul týraly lenta.ru saıtyna silteme jasaǵan egemen.kz tilshisi habarlady. Qazirgi tańda mobıldi qosymsha 53 tilde qoljetimdi ári messendjer jeti platformada qoldanylady. Kún saıyn WhatsApp-ty paıdalanýshylar 42 mıllıard habarlama, 1,6 mıllıard sýret pen 250 mıllıon beınejazba jiberedi. Aıta keteıik, WhatsApp mobıldi qosymshasyn 2009 jyly Iаn Kým esimdi haker jasap shyǵarǵan bolatyn. Keıinnen oǵan Yahoo kompanııasynda birge jumys istegen burynǵy áriptesi Braıan Ekton qosyldy. 2011 jyldyń qarashasyna qaraı iOS júıesi úshin WhatsApp eń tanymal aqyly áleýmettik qosymshaǵa aınalady. Al Android operasııalyq júıesin qoldanýshylar arasynda messendjerdi júktep alý sol kezde 10 mıllıonǵa jetti. 2014 jyly Facebook áleýmettik jelisi WhatsApp-ty 19 mıllıard AQSh dollaryna satyp aldy. 2016 jyldyń qańtarynda mobıldi qosymshanyń basshylyǵy WhatsApp-tyń tolyqtaı aqysyz bolatynyn málimdedi. Jyl boıy aqysyz paıdalanýdan keıin bir AQSh dollary kólemindegi jyldyq abonenttik tólem alynyp tastaldy. Elaman Qońyr. Derek: lenta.ru. Sýret: 1news.az.