Merki aýdany úlken jobalardy qolǵa alýda

TARAZ. 2 aqpan. Elimizdi ındýstrııalyq-ınnovasııalyq damytýdyń 2015-2019 jyldarǵa arnalǵan memlekettik baǵdarlamasy aıasynda «Merki et» JShS-i óńirlik ındýstrıalandyrý kartasyna engizildi. Bul boıynsha 2016-2017 jyldary Rysqulov aýylyndaǵy «Merki et» JShS-ne qarasty burynǵy et kombınatyn qaıta jańǵyrtyp, et konservisi (týshenka) ónimderin jáne shujyq ónimderin shyǵarý josparlanyp otyr. Qýattylyǵy jylyna 250 tonna shujyq jáne 262 myń konservi (týshenka) bankasyn shyǵarýǵa jetedi. Joba quny 620 mln. teńge. Búgingi kúni qaıta jańǵyrtý jumystary tolyǵymen aıaqtaldy. Iske qosý merzimi 2016 jyldyń ekinshi toqsany dep josparlanýda.  Joba iske qosylǵan kezde 25 azamat jumyspen qamtylady dep josparlanýda. Oǵan qosymsha 2015 jyly shıkizatty daıyndaý maqsatynda bir mezgilde 3000 bas iri qara malyn bordaqylaıtyn bordaqylaý alańyn iske qosý josparlanýda. Jylyna shamamen 4 myń 500 bas iri qara malyn bordaqylap, 1100 tonna et óndiredi. Sonymen qatar, 2016 jyldyń ekinshi jarty jyldyǵynda «Ortalyq Azııa Qant birlestigi» JShS-niń Merki fılıalynyń shyryn tazalaý sehyn qaıta jańǵyrtý jobasyn atalǵan kartaǵa engizý jumystary júrgizilýde. Joba quny shamamen 849 mln. teńge. Oralhan Dáýit. Derek, sýret: egemen.kz