Tarazda Assambleıa músheleri saılaýǵa qoldaý kórsetti

TARAZ. 2 aqpan. О́ńirlik kommýnıkasııa qyzmetinde QHA músheleriniń qatysýymen brıfıng ótti. Bul týraly egemen.kz tilshisi habarlady. Brıfıngke qarashaı-balqar etnomádenı birlestiginiń jetekshisi Lelıa Ýzdenova, tájik etnomádenı birlestiginiń jetekshisi Alıjon Mýlladjanov, Jambyl oblysy Qazaqstan halqy Assambleıasynyń janyndaǵy «Aq jelken» jastar lıgasynyń tóraǵasy Zaınýddın Mahýseev qatysty. Jıyn barysynda QHA músheleri Parlament Májilisiniń saılaýyn, barlyq deńgeıdegi máslıhat saılaýyn ótkizý týraly Elbasynyń sheshimine qoldaý bildirdi. Qazaqstandyqtardy saılaýǵa belsendi túrde qatysýǵa shaqyrdy. «Saılaýdy merziminen buryn ótkizý sheshimi «100 naqty qadam» Ult josparyn iske asyrýdyń tıimdi joly bolyp tabylady», dedi óz sózinde qarashaı-balqar etnomádenı birlestiginiń jetekshisi Lelıa Ýzdenova. Etnomádenı birlestikter Jambyl oblysynyń QHA uıymdastyrǵan is-sharalarda belsendi qatysady. Brıfıng barysynda «Úlken el – úlken otbasy» jobasyn iske asyrýdaǵy mindetter men maqsattar, etnomádenı birlestikter men «Aq jelken» jastar lıgasynyń 2015 jylǵy jumystary aıtyldy. «Jańa qazaqstandyq patrıotızm – kóp ulttyq pen konfessıonaldy qoǵamnyń jeńisiniń negizi bolyp tabylady. «Aq jelken» jastar lıgasynyń keńesinde 10-nan asa jastar qanaty bar. Jastar lıgasynyń ár kóshbasshysy beıbitshilik pen kelisimdi nyǵaıtýǵa ózindik úlesin qosýda», dep qorytyndylady «Aq jelken» jastra lıgasynyń tóraǵasy Zaınýddın Mahýseev. Oralhan Dáýit. Derek: egemen.kz Sýret: ortcom.kz