Jambyl oblysynda jasóspirimder qylmysy azaıyp keledi

TARAZ. 2 aqpan. Jambyl oblysynyń óńirlik kommýnıkasııalar qyzmetiniń alańynda «Kámeletke tolmaǵandar arasyndaǵy quqyq buzýshylyqtardyń, qadaǵalaýsyz jáne panasyz qalý profılaktıkasy júıesindegi memlekettik organdardyń ózara sabaqtastyǵy» taqyrybynda brıfıng ótti. Bul týraly egemen.kz habarlady. Brıfıngke  Ishki ister departamentiniń jergilikti polısııa qyzmeti ıývenaldy polısııa  bóliminiń ınspektory Nurken Abdýllın, Jambyl oblysy ákimdiginiń bilim basqarmasy basshysynyń orynbasary Dámesh Úskýmbaeva, Jambyl oblysy ákimdiginiń densaýlyq saqtaý basqarmasybasshysynyń orynbasary Aıgúl Aıtbaeva, Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Seıdahmet Seıtbekov, kámeletke tolmaǵandardyń isi jáne olardyń quqyqtaryn qorǵaý jónindegi komıssııanyń jaýapty hatshysy Baqyt Jaqsylyqova qatysty. 2015 jyly júrgizilgen saraptamada qarastyrylǵan oblys boıynsha isterdiń basym bóligi mynadaı baǵyttarǵa arnalǵandyǵyn kórsetti: - bala tárbıesinen jaltaryp júrgen ata-analar týraly – 132 (16,5%); - jetim balalar jáne ata-anasynyń qamqorlyǵynsyz qalǵan balalardy ornalastyrý – 195 (24,5%); - quqyq buzýshylyq jasaǵan kámeletke tolmaǵandar týraly – 119 (14,9%); - bilim alýdan jaltaryp júrgen balalar týraly – 117 (14,6%); - negizgi mektepti bitirip, materıaldyq jaǵdaıyna baılanysty ári qaraı bilimin jalǵastyra almaı júrgen kámeletke tolmaǵandar jumysqa ornalastyrý týraly – 58 (7,2%);; - tárbıeleý kolonııalarynan jáne arnaıy bilim berý uıymdarynan bosatylǵan kámeletke tolmaǵandardy turmystyq jáne eńbekke ornalastyrý – 15 (1,9%); - basqa organdarmen úılestirý týraly – 76 (9,5%); - basqa da máseleler týraly – 88 (11%). Komıssııa jumysynyń nátıjesinde 2015 jyly 3 myńǵa jýyq kámeletke tolmaǵandarǵa kómek kórsetildi, onyń ishinde: - kóp balaly jáne kúnkórisi tómen otbasyndaǵy 1 myńnan asa balaǵa; - qolaısyz otbasyndaǵy 1 myńǵa jýyq balaǵa; - 500-ge jýyq jetim balalar jáne ata-anasynyń qamqorlyǵynsyz qalǵan balalarǵa; - 270 panasyz jáne qaraýsyz qalǵan balalarǵa; - 212 devıantty minez-qulyqty balalarǵa; - alkogolızm men nashaqorlyqqa dýshar bolǵan 18 balaǵa kómek kórsetildi. Komıssııa qyzmetiniń nátıjesinde: - oqýdan bas tartqan 55 bala mektepke qaıtaryldy; - 226 kámeletke tolmaǵan bala qylmystyq belgisi bar qoǵamǵa qaýipti áreket jasaý faktileri boıynsha qylmystyq jaýapkershilikke tartyldy; - alkogol ishimdikterin, esirtki zattaryn qoldanatyn 2 kámeletke tolmaǵandar emdelý-aldyn alý jáne beıimdelý sharalaryn ótkizý úshin densaýlyq saqtaý mekemelerine jiberildi; - 362 kámeletke tolmaǵan bala oblystyq bilim basqarmasynyń kámeletke tolmaǵandardy ońaltý ortalyǵyna jiberildi. Budan basqa, 60 ata-ana ózderiniń ata-analyq quqyqtarynan aıyryldy. 37 kámeletke tolmaǵan bala arnaıy bilim mekemelerine jiberildi. Kámeletke tolmaǵandar arasyndaǵy tirkelgen qylmystardyń 2000 jyldan beri dınamıkasyna nazar aýdarsaq, 2005 jylǵa deıin tómendeý úrdisi baıqalyp, 2006 jyldan bastap 2012 jylǵa deıin krımınogendik jaǵdaı alańdaýshylyq týǵyzyp, qolaıly jaǵdaıǵa qol jetkizilmegen edi. Múddeli organdardyń qatysýymen júrgizilgen aldyn alý jumystarynyń arqasynda kámeletke tolmaǵandar arasynda jasalǵan  qylmys pen quqyq buzýshylyq kórsetkishi 2013 jyldyń aqpan aıynan búgingi kúnge deıin, ár aı saıyn 13 paıyzdan 35 paıyzǵa deıin tómendeý úrdisi qalyptasyp, naqty atqarylǵan is-sharalardyń nátıjeliligin kórsetip otyr. Oralhan Dáýit. Derek: egemen.kz Sýret: ortcom.kz