«Damý» qorynyń jańa basshysy taǵaıyndaldy

ALMATY. 2 aqpan. «Báıterek» ulttyq basqarýshy holdınginiń enshiles uıymy «Damý» kásipkerlikti damytý qorynda basqarma tóraǵasy aýysty. Holdıngtiń 2016 jylǵy 1 aqpanda ótken dırektorlar keńesiniń sheshimimen «Damý» qorynyń basqarma tóraǵasy laýazymyna Qanysh Tóleýshin taǵaıyndaldy. Bul týraly «Báıterek» holdınginiń baspasóz qyzmetine silteme jasaǵan egemen.kz tilshisi habarlady. Jańa taǵaıyndaýǵa deıin 2013 jyldan bastap Qanysh Tóleýshin «Báıterek» holdınginiń basqarýshy dırektory – basqarma múshesi qyzmetin atqardy. Osyǵan deıin «Damý» qoryn basqarǵan Lázzat Ibragımova «Báıterek» holdıngi basqarma tóraǵasynyń orynbasary qyzmetine aýystyryldy. Qanysh Tóleýshin «Bolashaq» baǵdarlamasynyń túlegi bolyp tabylady. 2006 jyly Oksford ýnıversıtetin (Oksford, Ulybrıtanııa) úzdik támamdap, ınnovasııalyq menedjmenttiń magıstri atandy. Sondaı-aq, qarjy jáne kredıt mamandyǵy boıynsha Eýrazııa ulttyq ýnıversıtetiniń qyzyl dıplomyn aldy. О́z eńbek jolyn 2004 jyly «Temirbank» aksıonerlik qoǵamynda býhgalter-operasıonıst qyzmetinen bastaǵan. Ár jyldary Sıngapýr Ulttyq ýnıversıtetiniń Lı Kýan Iý atyndaǵy Memlekettik saıasat mektebimen birlesip, Nazarbaev ýnıversıtetiniń Joǵary memlekettik saıasat mektebinde «Memlekettik saıasat jáne basqarý» taqyryby boıynsha oqý men trenıngterinen, IýNIDO trenıngi, Avstrııada «О́ńdeý ónerkásibiniń bolashaǵy» taqyryby boıynsha trenıng, Ernst & Young bıznes mektebiniń qarjylyq úlgileý, bıznesti baǵalaý, MVA, qarjylyq taldaý men ınvestısııalyq jobalardy baǵalaý taqyryptary boıynsha trenıngterden ótti. Aınash Esalı. Derek, sýret: «Báıterek» holdınginiń baspasóz qyzmeti