Qaraqshyny quryqtaǵan qyz

Qyz balany áspettep «názik jandy» dep jatamyz. Al endi qysyltaıań shaqtarda sol náp-názik dep júrgen jandaryńnyń ózi er adamnyń qolynan kelmes sharýany atqaryp tastaıtyny bar. Dál osynyń dálelindeı, Qaraǵandy qalasyndaǵy jeke-menshik fırmanyń birinde oqys oqıǵa oryn aldy. Betperde kıgen belgisiz bireý operator-kassır Naz­gúl Aq­qulına otyratyn ju­mys ból­mesine kirip kelip, py­shaq kezep, aqsha talap etken. Sol sátte-aq Nazgúl de álgi qaraq­shynyń ózine tap bergen. Mundaıdy kútpegen tonaý­shy abdyrap qalypty. Muny baıqaǵan ójet qyz qylmyskerdiń pyshaǵyn qaǵyp túsirip, ózine jarmasa ketken. Sodan polısııa qyzmetkerleri kelip jet­­kenshe júrek jutqan qyz qan­sha bulqynsa da tonaýshyny jibermeı ustap turypty. Oblystyq ishki ister depar­ta­mentiniń basshylyǵy qoǵam­dyq tártipti qorǵaý kezinde qaı­sar­lyq tanytqany úshin Naz­gúl Aqqulınany baǵaly syı­lyqpen marapattady. Qaırat ÁBILDINOV, «Egemen Qazaqstan». QARAǴANDY.