Eńbek ardagerine erekshe syı

«Qazhrom» TUK» AQ fılıaly – Aqtóbe ferroqorytpa zaýyty ke­zinde kásiporynda jumys istegen eńbek arda­gerlerin umytpaıdy, olardyń mereıtoılaryn atap ótýdi dástúrge aınaldyryp keledi. Qashanda qarttarǵa qurmet kórsetýdi alǵy kezekke qoıatyn   irgeli kásiporyn Qarataýdaı qazy­naly, Alataýdaı asqaq rýhty qarttaryna syı-sııa­pat jasaýdy bıyl da esten shyǵarmady. Ardagerler ke­ńesinde esepte turǵan 710 zeı­netkerdiń bárine de syılyq taratyldy. Al, kásiporyn ardager­ler keńesiniń tóraǵasy Ja­mansary Maqashev, Me­tal­­lýrgter mádenıet úıi­niń kórkemdik jetekshisi Tatıana Karant jáne seh­aralyq kórkemónerpazdar baıqaýynyń jeńimpazy, №1 balqytý sehynyń bal­­­­qytýshysy Ǵanıbek Esen­jolov, zaýyt zeı­netkerleri Zınaıda Chýgýeva, Qýandyq Kalyshev bastaǵan óner­li top taǵdyr tálkegi­­men qart­­­­­­tar men múgedekterge arnalǵan ınternat úıinde turyp jatqan zaýyttyń baıyrǵy jumysshylary Iýsıf Stashakty – 80 jyl­dyq, Lılııa Okandy 75 jyl­­­­­dyq mereıtoılarymen jáne jańa jyl merekesimen arnaıy quttyqtap bardy. Me­tal­lýrgterdiń ystyq yqy­lasy men izgi nıetin jet­kiz­­gen Jamansary Maqa­shev­­qa qarııalar sheksiz rıza­shy­ly­ǵyn bildirdi. – Búgingi tańda zaýyt ardagerler keńesiniń quramynda 700-den astam zeınetkerler esepte turady. Bul óz al­dyna úlken bir ujym bolyp sanalady. Sondyqtan da zeınetkerlerdiń de óz má­se­­leleri, muqtajdary bar. Olarmen jumysty uıym­dastyrý úshin ardagerler ke­­ńesi tyǵyz baılanysta. Qart­­­tardyń kúndelikti tur­mysta kezdesip otyratyn má­se­lelerin sheshý barysynda keńestiń orny erekshe. Bizdiń basty mindetterimizdiń biri qarııalarymyzdyń qamsyz qarttyqty bastan ótkerý úshin barlyq jaǵdaıdy jasaý bolyp tabylady. Jasap ta kelemiz. Ásirese, qarttar úıin­degi qamkóńil ardagerlerge qurmet kórsetip, olardyń qoǵam ómirinen shet qalmaýyn qadaǵalap oty­ramyz. Búgin­gi basqo­sý osynyń dáleli. Bel­gili bir sebeptermen óz­de­ri­niń qarttyq kúnderin otbasymen emes qarttar úıin qara shańyraqqa aınaldyryp, osy jerden pana tapqan zeınetkerlerimizdiń ómiri bizdi alańdatpaı qoımaıdy. Olarǵa barynsha qamqor bolyp, qurmet kórsetý bizdiń paryzymyz. Osyny urpaq sanasyna sińirip ósý qajet dep esepteımin, – deıdi arda­gerler keńesiniń tóraǵasy. – Men Aqtóbe fer­ro­qo­rytpa zaýytynda eńbek et­kenimdi áli kúnge deıin maq­­­tanyshpen eske alyp oty­ramyn. Metallýrgter ár­daıym qarttaryna qamqor bolyp júredi jáne ózderi­niń zeınetkerlerin eshqash­an esten shyǵarmaıdy. Al, bú­­gingi kún men úshin este qa­­­larlyq, qýanyshty kún boldy desem artyq bolmas. О́ıtkeni, meniń áriptesterim, súıikti zaýyt ujymy maǵan tosyn syı jasap, 80 jyldyq mereıtoıymmen quttyqtap mereıimdi bir asyryp tas­tady. Al, dostarym da osy qýa­­nyshty sátte birge bolý­ǵa jumystaryn tastap osynda kelip otyr, – dedi Iýsıf Sta­shak qýanyshyn jasyra almaı. Qarttar úıiniń tur­ǵyn­daryn, sondaı-aq, Iýsıf ataı pen Lılııa apaıdy mereıtoılarymen quttyqtaı kelgen ónerpaz metallýrgter ánnen shashý shashyp, kúmbirletip kúı tartyp, kóterińki kóńil-kúı syılady. Zınaıda Chý­gýe­vanyń oryndaýyndaǵy «Za­vodskoı prohodnoı» án­in bir­ge shyrqap qarııalar za­ýyt­­taǵy eńbek belesterin, qy­­­zyqty, qýanyshty kúnde­rin bir sátke oı eleginen ót­ki­zip, ja­lyndaǵan jastyq shaq­taryn eske alyp bir jasap qaldy. Satybaldy SÁÝIRBAI, «Egemen Qazaqstan».  Aqtóbe.