Qyzylordada júrek soǵysyn toqtapaı ashyq ota jasaldy

QYZYLORDA. 25 aqpan. Qyzylordada júrekke otanyń jańa túri jasaldy. Bul týraly oblystyq densaýlyq saqtaý basqarmasynyń baspasóz qyzmetine silteme jasaǵan egemen.kz tilshisi habarlady. Astana qalasyndaǵy ulttyq ǵylymı ortalyqtyń kardıohırýrgııa bóliminiń meńgerýshisi, medısına ǵylymynyń kandıdaty Temir Lesbekov jáne joǵary bilikti reanımator-anestezıolog Nurlan Smaǵulovtardyń kómegimen júrek soǵysyn toqtatpaı, júrekke ashyq ota jasaldy. Mundaı ota Qyzylorda oblysynda birinshi ret jasalýda. Oblystyq medısına ortalyǵynyń kardıohırýrgtary tikeleı otaǵa qatysyp, tájirıbe almasty. Jyl basynan beri ashyq júrekke 20-dan astam ota jasalsa, jańa ota 4 naýqasqa jasalyp, bilikti mamandar 15 naýqasqa keńes berdi. Endigi kezekte, zamanaýı qural-jabdyqtarmen jabdyqtalǵan oblystyq medısına ortalyǵynyń kardıohırýrgtary atalǵan ota túrin óz kúshterimen jasamaq. Erjan Baıtiles. Derek: Qyzylorda oblysynyń densaýlyq saqtaý basqarmasynyń baspasóz qyzmeti. Sýret: isra-med.com.