Daıyndyq barysy dáıim nazarda

Memleket basshysy Nursultan Nazarbaev Halyqaralyq kórmeler bıýrosynyń bas hatshysy Vısente Lossertalespen kezdesti, dep habarlady Prezıdenttiń baspasóz qyzmeti. Kezdesý barysynda halyqaralyq EKSPO-2017 kórmesin ótkizýge daıyndyq barysy talqylandy. Qazaqstan Prezıdenti V.Los­ser­taleske aldaǵy is-sharany uıymdastyrý máse­lelerine udaıy kóńil bólip otyr­ǵany úshin alǵys aıtty. – Sizdiń kelýińizdiń jáne jumy­sy­myzǵa baǵa berýińizdiń biz úshin mańyzy zor. Men qurylys pen daıyndyq barysyn únemi qadaǵalap otyrmyn, jumys kestesinen kesheýildeý joq. Qazir kórme nysandaryn mazmundyq turǵydan jab­dyqtaý aldyńǵy orynǵa shyqty. Qurylys jumystaryn jyl aıaǵyna deıin bitirip, tikeleı EKSPO-2017 kór­­mesin ótkizýge daıyndyqty bastaý min­deti qoıylyp otyr, – dedi Memleket basshysy. V.Lossertales daıyndyq ju­mys­tary barysymen tanysyp, EKSPO-2017 kórmesiniń halyqaralyq qatysýshylarynyń jınalysyna qatysý úshin kelgenin aıtty. – Qurylys alańyn kórgennen keıin­gi keremet áserimdi Sizge jetkizgenime qýanyshtymyn. Arhıtektýralyq kóz­qaras turǵysynan barlyq ǵımarat­tar úılesimdi, al fýnksııalyq turǵydan bári oılastyrylǵan ári yńǵaıly salynýda. Qurylys kidirissiz, tipti, kes­teden oza júrgizilip jatyr. Negiz­gi mazmundyq jabdyqtaý baǵ­dar­lama­sy óte salıqaly ári aıqyn, endi pa­vılondardyń ishki sapalyq mazmuny oǵan jaýapty kompanııalarǵa baılanysty, – dedi Halyqaralyq kór­meler bıýrosynyń bas hatshysy Vısen­te Los­sertales. Sýretterdi túsirgender S.BONDARENKO, B.OTARBAEV.