Tasqynǵa tosqyn qoıý qajet

Keshe Úkimet úıinde Pre­mer-Mınıstrdiń bi­rinshi orynbasary Ba­qyt­jan Saǵyntaev orta­lyq jáne jergilikti atqa­rý organdarynyń 2016 jyl­dyń sý tasqyny kezeńine daıyndyǵy máseleleri boıynsha selektorlyq keńes ótkizdi, dep habarlady Premer-Mınıstrdiń baspasóz qyzmeti. Qazirgi ýaqytta res­pýb­lıkanyń sý qoımalarynda kúzgi sý tasqynyn ótkizý úshin syıymdylyq múm­kin­dikteri bar. Sý tasqynynyń aldyn alý jáne joıý úshin JJM, ınert­­ti mate­rıaldar qory daıyn­­dal­dy, eldi mekenderde qar shy­­ǵarý jumys­tary júrgi­zilýde. Tasqyn sýlardy gıdroteh­nı­kalyq ǵımarattardan apat­syz ótkizý, ózender basseın­deri ýchas­kelerinde aldyn alý is-sharalaryn júrgizý maqsa­tyn­da tasqynǵa qarsy tıesili komıssııa quryldy. Qaraǵandy, Aqmola jáne basqa da oblystar sý tasqy­ny­nan zardap shekken 2015 jylǵy naýryz-sáýir oqıǵalarynyń qaıtalanýyna jol bermeý úshin barlyq qajetti sharalar­dy qabyldaý qajet, dep atap ótti Baqytjan Saǵyntaev. Osyǵan baılanysty Pre­mer-Mınıstrdiń birinshi oryn­basary óńir ákimdikterine orta­lyq memlekettik organ­dar­men birlesip tasqyn jaǵ­daıyna kún saıynǵy monıto­rıng pen baqylaý júrgi­zýdi, arnaıy jáne ınje­ner­lik tehnıkany tasqyn qaýpi bar jerler­ge jaqyn shoǵyr­lan­dyrýdy, kópir­lerdi, aryq-kanal júıe­lerin, ózen ar­nalaryn, gıdroteh­nı­ka­lyq ǵımarattar men qorǵa­nys bóget­terin qar sýy men tas­qyn sýlardyń úlken kóle­min ótkizýge daıyndaýdy, halyqpen eldi mekenderdi sý basyp qalý qaýpi tóngen jaǵdaı­da minez-qulyq erejesi boıyn­sha túsinik jumystaryn júr­gizý isin uıymdastyrýdy tapsyrdy.