Zııaly qaýymmen áserli áńgime

Keshe Astanada «Aýyl» halyqtyq-demo­kra­tııalyq patrıottyq partııasynyń ortalyq keń­sesinde «Qazaqtyń tól mádenıetiniń jalpy adam­zat ıgiligine úlesi» atty dóńgelek ústel ótti. Saı­laý naýqanynyń úgit-nasıhat jumystary aıasynda uıymdastyrylǵan basqosýda halqymyzdyń mádenı tamyrlary, ulttyq salt-dástúrimizdiń jahandaný kezeńindegi mańyzy turǵysynda sóz boldy. Partııanyń respýblıkalyq qoǵamdyq shtaby ótkizgen sharaǵa tanymal ǵa­lym­dar Seıit Qasqabasov, Ǵarıfolla Esim, Tursyn Jurtbaı, jazýshylar Áli­bek Asqarov, Asqar Altaı, Marat Má­jı­tov, Qýanysh Jıenbaev, aqyndar Janat Áskerbekqyzy, Dáýletkereı Káp­uly, Marjan Ershý jáne basqa da qalam­gerler, sondaı-aq, jastar qatysty. Birinshi kezekte sóz alǵan «Aýyl» par­tııasynyń tóraǵasy Álı Bektaev uıym­nyń qazirgi tańda atqaryp jatqan ju­my­syna toqtala kelip, «Halyqtyń tarı­hy men mádenıetin esepke almaı, etnos­tyq damýdyń túp-tamyryn, qazaqy máde­nıettiń rýhanı, adamgershilik basym qundylyqtaryn túsinbeı búgingi Qazaq­stannyń órkendeýi múmkin emes», – dedi. Odan keıin sóz kezegi tıgen «Aýyl» partııasynyń múshesi, Parlament Máji­lisiniń depýtattyǵynan úmitker, jazýshy, Memlekettik syılyqtyń laýreaty Álibek Asqarov Qazaqstannyń ór­kenıetti eldermen terezesi teń, álemdik mádenıet sahnasynda ózindik orny bar memleketke aınalǵanyn, respýblı­kamyzda ulttyq qundylyqtardy jań­ǵyr­týǵa basa nazar aýdarylyp kele jat­qanyn sóz ete otyryp: «Eger bizdiń boıymyzda adamgershilik pen ıman­dy­lyqtyń bir belgisi bolsa, ol – qara­paıym qazaq aýylynyń ónegesi, bergen tárbıesi. Qysqasy, aýyl bizge qaryz emes. Endigi jerde aýylǵa biz qaryzbyz. Kóp­shiligimiz ata saqalymyz aýzymyzǵa tús­kenshe sol qaryzdy umytyp ketken sııaq­tymyz. Endeshe, bel sheship, bilek syba­nyp aýylǵa kómek qolyn sozatyn kez keldi. Qaryzymyzdy qaıtaratyn, pary­zymyzdy óteıtin ýaqyt týdy dep bilemin», – dedi. Basqosýda Seıit Qasqabasov, Ǵarı­fol­la Esim jáne basqalar sóz sóılep, ul­ty­m­yzdyń bolmysyna, qazaq aýyl­darynyń búgini men keleshegi jóninde áserli áńgime órbitti. Olardyń aıtýyn­sha, qazaq mádenıeti álemdik mádenıetke óshpesteı iz qaldyrǵan, sondaı-aq, qaıtalan­bas biregeı qoǵamymyzdy uıysty­rýshy ınstıtýt bolǵan. Budan bólek, jıynǵa qatysýshylar álem­degi memlekettik sımvoldar men belgi­ler, saıa­sı termınder Uly Da­lada qalyp­tas­qa­nyn, bul óz kezeginde dala perzent­terin­de damyǵan memlekettik qury­lym­­nyń bolǵandyǵyn aıǵaqtaıtynyn atap ótti. Aıta keteıik, jıyn barysynda «Aýyl» partııasyna jańa músheler qa­byl­daý rásimi boldy. Naqtylaı aıtqan­da, Dáýletkereı Kápuly basta­ǵan birqatar jas aqyndar «Aýyl» partııasyna qabyldandy. Joldybaı BAZAR, «Egemen Qazaqstan». ASTANA.