Daıyndyq jaıy aıtylǵan basqosý

Keshe Qaraǵandy qalasynda Jalpyulttyq sosıal-demokratııalyq partııasy baspasóz máslıhatyn ótkizdi. Jıynda partııa músheleri aldymyzdaǵy 20 naýryzda bolatyn kezekten tys saılaýǵa degen daıyndyq jumystaryn egjeı-tegjeıli aıtyp berdi. Baspasóz máslıhatyna JSDP saılaýaldy shtabynyń tóraǵasy Aıdar Álibaev, «Qazaqstandaǵy parlamentarızmdi damytý qory» qoǵamdyq birlestiginiń jetekshisi Záýresh Battalova, «Semeı» qozǵalysynyń jetekshisi Bolatbek Ábdikárim, «Kenesary han» qoǵamdyq bir­les­tiginiń jetekshisi Ýálıhan Qaısa­rov, JSDP Qaraǵandy oblystyq fılıa­lynyń tóraıymy Mákılá Toqsambaeva jáne basqa da JSDP músheleri qatysty. Baspasóz máslıhatynda JSDP saı­laýaldy shtabynyń tóraǵasy, partııa tóralqasynyń múshesi, Qazaq­stan Respýblıkasy Parlamenti Máji­li­siniń depýtattyǵyna kandıdat Aı­dar Álibaev Jalpyulttyq sosıal-demo­kra­tııalyq partııasy aldaǵy saılaýda tur­ǵyn­dardan jetkilikti kólemde daýys alýǵa kúsh jumsaıtynyn aıtty. Qazirgi tańda JSDP saılaýǵa qyzý daıyndyqty bastap ketipti. Daıyn­dyq kezeńiniń birneshe satysy artta qalǵan. Máselen, Jalpyulttyq so­sıal-demokratııalyq partııasy saılaý­aldy naýqanynyń resmı túrdegi qatysýshysy atan­ǵan, partııa atynan saılaýǵa túsetin úmitkerlerdiń bári tirkeýden ótken. Olardyń sany – 23. Sondaı-aq, qa­zirgi tańda óńirlerge partııanyń úgit-nası­hat ma­terıaldary, únparaqtar men pla­kat­tar, partııanyń saılaýaldy baǵdar­lamasy taratylǵan. Sonymen qatar, partııa basshylyǵy men kandıdattar elimizdiń túkpir-túkpirindegi saılaýshylarmen kezdesýler ótkizýdi josparlap otyr eken. «JSDP óziniń kóp jyl boıy usynyp kele jatqan asa qajetti ózgerister jos­paryn júzege asyrýdy maqsat etip, Qazaqstandy ekonomıkalyq jaǵynan pár­mendi, tabysty, áleýmetshil, jaýap­ker­shiligi joǵary, erkin, turaqtylyǵy myǵym, táýelsizdigi ornyqty memleket etý úshin Parlament Májilisi saılaýyna qa­tysady. Sondaı-aq, ózimizdiń búkil tájirıbemizdi halyqaralyq sosıal-demokratııa ıdeıasynyń úzdik jetistikterin biriktire otyryp joǵaryda atalǵan min­detterdi iske asyrý úshin qajetti shara­lar keshenin júzege asyrýdy maq­sat etemiz. Qa­zaqstandaǵy jáne shetel­der­degi men­shikti «kóleńkeden» shyǵa­ryp, onyń ıe­leriniń qatań esep berýin bel­gi­leý qa­jet», – dep málimdedi baspasóz más­­lı­ha­tyna qatysqan sosıal-demokrattar. Baspasóz máslıhaty barysynda JSDP músheleri respýblıkalyq jáne jergilikti buqaralyq aqparat quraldar ókilderiniń taraptarynan qoıylǵan suraqtarǵa jaýap berip, aldaǵy saılaý­da ózderiniń belgili bir tabysqa qol jetkizetindikterine senimdi ekendikterin tilge tıek etti. Qaırat ÁBILDINOV, «Egemen Qazaqstan». QARAǴANDY.