Soltústiktegi jylyshyraıly júzdesýler

«Nur Otan» partııasynyń respýblıkalyq saılaýaldy shtaby keshe Soltústik Qazaqstan oblysynda bolyp, quramyna tanymal saıasatkerler, qoǵam qaıratkerleri, kásipkerler men sportshylar kirgen úgit-nasıhat toby birqatar kezdesýler ótkizip, partııanyń saılaý­aldy «Qazaqstan-2021: Birlik. Turaqtylyq. Jasampazdyq» baǵdarlamasyn jan-jaqty talqylady. Delegasııa quramynda «Nur Otan» partııasy Saıası keńesi bıýrosynyń múshesi A.Bashmakov, «Agrofırma Ro­dına» JShS quryltaıshysy jáne dırektory I.Saýer, Parlament Májilisiniń V sha­qyrylymynyń depýtattary S.Bych­kova men B.Smaǵul bar. Delegasııa sapary aldymen «Zen­chenko ı K» komandıttik serik­testi­gi­niń sút óńdeý zaýyty ujymymen kez­de­sý­den bastaldy. Munda kásiporyn jumys­shy­­lary úshin barlyq jaǵdaı jasalsa, orta­sha jalaqy 80 myń teńgeden asady. Kez­­desý barysynda partııanyń saılaýaldy baǵdarlamasynda agrarlyq sektordy damytýǵa kóńil bólingendigi erek­she ataldy. «Bizdiń elimizde naǵyz eńbekqor aza­mat­tardyń jetistikke jetýine bar­lyq múm­kindikter bar. Memlekettiń sharýalarǵa jasap otyrǵan jaǵdaıyn meı­linshe paıdalanyp, tynymsyz ter tók­seń, óz eńbegińniń jemisin kóresiń. Eli­mizdiń gúldenýine óz úlesin qosyp jat­qan naǵyz isker azamattarǵa «Nur Otan» partııasy da árqashan qoldaý kór­setýge daıyn», – dedi RSSh múshesi Abaı Tasbolatov. Taǵy bir erekshe atap óterligi, Dos­tyq úıine kezdesýge oblystaǵy etno­má­denı birlestikterdiń 300-den astam ókili jınalypty. Etnomá­denı birlestikter qoǵamdyq-saıası ómir­ge belsendi aralasyp keledi. Tipti, Re­seıdiń kórshiles oblys­tarymen máde­nıet­aralyq baıla­nys tyǵyz qalyptasqan. Assam­bleıa basta­masymen M.Qozybaev atyn­daǵy SQMÝ-de QHA kafedrasy, kol­ledj­derde «Beıbitshilik jáne kelisim» orta­lyqtary jáne Petropavl qala­synyń mektepterinde 20 etnoklýb ashylǵan. Partııa Tóraǵasy Nursultan Nazar­­baev­­tyń elimizde etnosaralyq beıbit­­shilik­tiń biregeı úlgisin qalypta­s­­tyr­­­ǵany, al el halqy Assam­bleıamen birge túrli etnostar arasyndaǵy beı­bit­shilikti odan ári damytýǵa já­ne ny­­ǵaı­týǵa kúsh sala beretini erekshe atal­dy. Kezdesý barysynda «BAR­BANG» kúrdter qaýymdastyǵy» QB tóra­­ǵasy Rashıd Nadırov bizde eshkim ulty­na, kerek deseńiz, túr-túsine qarap bólinbeıtindigin erekshe aıtty. «Qoǵam­dyq kelisim» KMM dırektory Ásemgúl Es­qoja óz oıyn bylaısha jetkizdi: ««Nur Otan» partııasy óziniń saılaýal­dy baǵdarlamasynda birlikti birinshi kezekke qoıýýy óte oryndy. Bul – bizdiń basty qundylyǵymyz». Asqar TURAPBAIULY, «Egemen Qazaqstan». Soltústik Qazaqstan oblysy.