Álem mıllıarderleriniń astanasy

mártebesi Qytaıdyń bas qalasyna qaraı aýysty Qytaı astanasy – Beıjiń álem­de dollar boıynsha mıllıar­derleri eń kóp qalaǵa aınaldy. Ol bul jaǵynan uzaq jyldar boıy eshkimge teńdik bermeı kelgen Nıý-Iorkti de basyp ozdy. Bul derekterdi jyl saıy­n álem­degi mıllıarderler sany jó­ninde arnaıy baıan daıyndap turatyn Shanhaıdyń Hurun kompanııasy sýdyń betine shyǵardy. 2015 jyldyń qorytyndysy boıynsha Beıjińde turatyn mıllıarderler sany 100-ge jetse, ol Nıý-Iorkte 95 adammen shektelgen. Jyl ishinde Qytaı astanasyndaǵy mıllıarderler 32 adamǵa ósse, Amerıkanyń eń úlken shaharynda baılyǵy belshesinen kelgen tek 4 adam ǵana qatarǵa qosylǵan. Hurun basylymynyń máli­metinshe, Qytaıda sońǵy úsh jylda osynshama baılyqtary barlar sany 242-den 596 adamǵa jetken. Onymen jaqyn aradaǵy AQSh baılarynyń qataryn 537 adam túzip otyr. Al Qytaı mıllıarderleriniń jalpy sanyn bul memlekettiń óz quramdas bir bóligi sanaıtyn Gonkong, Makao jáne Taıpeı elderindegi aýqattylarmen qosyp eseptese, bul kórsetkish 715 adamǵa bir-aq barar edi. Zertteýshiler atap kórset­ken­deı, planetada baılyǵynyń aýqymy 1 mlrd. dollardan asatyn 2188 adam turady. Olardyń 47-siniń jastary áli qyryqqa da jetpepti. Jer júzindegi dollar boıynsha jınaǵan aqshalary jaǵynan mıllıarderleri kóp elder úshtigin Qytaı, AQSh jáne Úndistan quraıdy. Murat AITQOJA.