PAVLODAR. 29 aqpan. Oblystaǵy energetıkter men metallýrgter qalasy Aqsýda jáne aýyldarynda bolyp, odan oblys ortalyǵy Pavlodardan shyqqan poıyzdy óndirsti qalanyń temirjol stansasynda qala ákiminiń orynbasary Marııam Andasbaevba bastaǵan ekibastuzdyqtar El táýelsizdiginiń 25 jyldyǵyna arnalǵan mereıtoılyq sharalar aýqymynda bastalǵan «Máńgilik El» poıyzyn qonaqjaılyqpen qarsy aldy. Bul týraly egemen.kz tilshisi habarlady.
«Máńgilik el» poıyzynyń jetekshisi Ámirjan Álpeıisovtiń aıtýynsha, poıyz qatysýshylary úshin Máshhúr Júsiptiń, Qanyshtyń, Sultanmahmuttyń dúnıege kelgen jerge aıaq basýy úlken qýanysh. Ekibastuzdyqtar da erteńgi kúnge senimderin, eldiń gúldene túsýi úshin jumys isteýge qulshynys baryn jetkizýde. Poıyz quramynda Assambleıasynyń músheleri, ǵalymdar, sarapshylar, dárigerler bar, olardyń árqaısysynyń halyqqa áleýmettik kómek kórsetý, bes ınstıtýsıonaldyq reformany túsindirý, konsýltatıvtik kómek berý jóninde óz jumystary bar. «Máńgilik El» respýblıkalyq ekıpajy qatysýshylary dóńgelek ústel janynda jastar qoǵamdyq birlestikteriniń kóshbasshylarymen kezdesti, jastardyń áleýmettik memlekettik tapsyrys jobalaryn júzege asyrýymen tanysty, qaladaǵy «Qaınar» ortalyǵynda qala turǵyndaryn qabyldady. QHA músheleri ulysaralyq kelisim jóninde konsýltasııalar ótkizse, qaladaǵy №2 emhanada densaýlyq saqtaý ókilderinen quralǵan taǵy bir top konsýltasııalyq qabyldaý ótkizdi. Ádilet, bilim, qarajy, aýyl sharýashylyǵy, «Atamaken» kásipkerlik palatasynyń ókilderi jurtshylyq suraqtaryna jaýap berdi. Kásipkerlik palatasynyń ókili Talǵat Doskenovtiń aıtýynsha, «Atamaken» ótkizgen kezdesýge bızneske jańa bet burǵan jastar jaǵy kóp qatysypty. Poıyz qonaqatary ózderiniń jumys kestelerin bitirgen soń-Ekibastuzdy aralap, mýzeıge bardy, «Dostyq» úıiniń jańa ǵımaratynda semınarǵa qatysty. Odan keıin álemge áıigili «Bogatyr» kenishiniń kórýge kenishtegi alańǵa bardy.
Farıda Byqaı.
Derek: egemen.kz.
Sýret: Murat Aıtbaev.
