«Astana» basketbol komandasy qatarynan besinshi ret jeńildi

ASTANA. 29 aqpan. Basketboldan VTB Biryńǵaı lıgasynyń kezekti týrynda «Astana» Latvııanyń VEF komandasyn qabyldap, 71:89 esebimen ese jiberdi. Bul týraly egemen.kz tilshisi habarlady. Astana qalasyndaǵy «Saryarqa» velotreginde ótken kezdesýdi bizdiń jigitter óte jaqsy bastaǵan edi. Tipti alǵashqy eki kezeń qorytyndysy boıynsha elordalyqtar esepte alda turdy. Alaıda, úshinshi jáne tórtinshi bólikte bosańdyq tanytyp alǵan «Astana» basymdyqty qarsylasyna berip qoıdy. Nátıjesinde VEF jeńiske jetip, syrt alańda upaı enshilep ketti. Oıyn barysynda «Astana» sapynan 17 upaı jıǵan Alekseı Jýkanenko eń nátıjeli oıynshy atansa, latvııalyqtar qatarynan Djoshýa Bostıch úzdik shyqty. Ol 40 mınýtta enshisine 26 upaı jazyp úlgergen bolatyn. Aıta keteıik, «Astana» lıga sheńberinde osymen qatarynan besinshi ret jeńilip otyr. Búginde týrnır kestesinde 14-orynda kele jatqan komandamyz kelesi kezdesýin 5 naýryzda Mınskide jergilikti «Smokı-Mınskpen» ótkizedi. Elaman Qońyr. Derek: egemen.kz. Sýret: bcastana.kz.