29 Aqpan, 2016

Atyraýda shekaradan zańsyz ótýshi elden shyǵaryldy

275 ret
kórsetildi
1 mın
oqý úshin
29-02-2016-atyrau 01ATYRAÝ. 29 aqpan. Atyraý oblysynyń Qurmanǵazy aýdandyq soty Reseıde kóshi-qon zańdaryn buzyp, Qazaqstan aýmaǵyna zańsyz kirgen О́zbekstan azamatyna aıyppul salyp, elden shyǵarý jazasyn taǵaıyndady. Bul týraly Atyraý oblystyq sotynyń baspasóz qyzmetine silteme jasaǵan egemen.kz tilshisi habarlady. О́zbekstan azamaty J.Karımov bıylǵy qańtarda Reseı Federasııasy jaǵynan Atyraý oblysynyń Qurmanǵazy aýdanyndaǵy Qıǵash aýyly tusyndaǵy shekaranyń sym qorshaýynyń astymen Qazaqstan Respýblıkasynyń aýmaǵyna ótýge áreket jasaǵan. Sol kezde ony elimizdiń shekarashylary ustaǵan. Muny J.Karımovtiń ózi de tolyq moıyndapty. Ol óziniń mundaı zańsyz áreketke barýyna Reseı Federasııasynda kóshi-qon zańdaryn buzǵany, sol úshin ózine Reseıden shyǵarý qateri tóngenin aıtqan. Sharasy taýsylǵan ózbekstandyq amalsyz shekara beketin aınalyp ótip, Qazaqstan Respýblıkasy aýmaǵyna zańsyz kirýdi kózdepti. Qurmanǵazy aýdandyq soty J.Karımovti taǵylǵan aıyp boıynsha kináli dep tanydy. Degenmen, О́zbekstan azamatynyń el aýmaǵyna zańsyz kirý áreketine ókinýi men qylmystyq jaýapkershilikke alǵash ret tartylýy da eskerildi. Sóıtip, oǵan 500 aılyq eseptik kórsetkish mólsherinde aıyppul salynyp, Qazaqstan Respýblıkasynyń aýmaǵynan 5 jyl merzimge shyǵarý jazasyn qosa taǵaıyndady. Joldasbek Shópeǵul. Derek: Atyraý oblystyq sotynyń baspasóz qyzmeti. Sýret: pravdaurfo.ru.
Sońǵy jańalyqtar