Qos shara – bir múdde

«QazMunaıGaz» ulttyq kompanııasy» AQ-tyń Astanadaǵy bas keńsesi ornalasqan ǵımaratta jýyrda eki birdeı eleýli shara ótti. Onyń biri – aksıonerlik qoǵamnyń basqarma tóraǵasy Saýat Myńbaevtyń «Úzdik maman» baıqaýynyń jeńimpazdarymen kezdesýi bolsa, ekinshisi – «QazMunaıGaz» UK» AQ jas mamandarynyń ótken jyly bastalǵan úzdik ınnovasııalyq jobalary baıqaýynyń márege jetýine baılanys­ty marapattaý rásimi. Kezdesýdi júrgizgen «QazMunaıGaz» AQ adam resýrs­taryn basqarý jáne eńbekaqy tóleý jónindegi basqarýshy dırektory Serik Ábdenov «Úzdik maman» baıqaýynyń QMG kompanııalar toby arasynda jyl saıyn ótkizilip kele jatqanyn atap ótti. О́tken jyly «QazMunaıGaz» kompanııalar toby 16 kom­panııasynyń qyzmetkerleri kásibı biliktilikteri boıynsha synǵa túsken. Olardyń arasynda «QazMunaıGaz» Barlaý О́ndirý» AQ pen onyń enshiles kásiporyndary, «QazTransOıl» AQ, «Mańǵystaýmunaıgaz» AQ, «QazTransGaz» AQ, «QazMunaıGaz-Servıs» JShS, «KMG-Security» JShS, «Aqtaýmunaıservıs» AQ jáne basqa da uıymdar bar. «Baıqaý barysynda operator, elektromonter, slesar jáne dánekerleýshi syndy onnan astam mamandyqtar boıynsha úzdikter anyqtaldy. Qatysýshylar óz­deriniń kúndelikti atqaryp júr­gen jumystaryn teorııalyq jáne tájirıbelik jaǵynan kórsetýge múmkindik aldy. Jeńim­paz­dardy anyqtaýdaǵy bas­ty ól­shem retinde olardyń kásibı mashyǵy, tapsyrmalardy oryndaý jyldamdyǵy men qaýipsizdik tehnıkasyn saqtaýy nazarǵa alyndy. Jeńimpazdarǵa yntalandyrý retinde medaldar men maqtaý qaǵazdar, sondaı-aq eńbekaqyǵa ústeme qarjylaı syıaqy berildi. Jalpy, baıqaýǵa keletin bolsaq, «QazMunaıGazǵa» qarasty mekemelerdiń ishinde «Úzdik maman» óndiristik kásibı baıqaýlaryn ótkizý dástúrge aınalǵan, ári bul saıystyń 18 jyldan beri ótkizilip kele jatqandyǵyna qaramastan, ma­ńyzy jyldan-jylǵa artyp kele jatyr. Bul – qýantarlyq jaıt. Sondaı-aq, atap ótý kerek, ótken jyly «TransGazPaıplaın» kom­panııasynyń uıymdastyrýymen Qytaı Halyq Respýblıkasynyń Dechjoý qalasynda ótken úzdik mamandar saıysyna «Azııalyq gaz qubyry» mekemesiniń komandalary qatysyp, júldeli oryndarǵa ıe boldy», degen moderator túrli atalymdar boıynsha baıqaýda jeńimpaz atanǵan 17 úzdik mamandy tanystyryp ótti. «QazMunaıGaz» UK» AQ basqarma tóraǵasy Saýat Myń­baev kezdesýge kelgen jeńim­pazdardy quttyqtap, birshama oı-pikirlerimen bólisti. «О́z isiniń úzdigi» atanǵan sizdermen kezdeskenime qýanyshtymyn. Jeńisterińiz qutty bolsyn! Eldiń áleýmettik-ekonomıkalyq damýyna qyzmet etip kele jat­qandaryńyz úshin alǵysymdy bildirgim keledi. 80 myńǵa jýyq jumysshy mamandardyń arasynan úzdik ataný úlken mártebe dep esepteımin. Jalpy, «Úzdik maman» baıqaýynyń jeńimpazdaryna kompanııa basshylyǵy tarapynan úlken kóńil bólinýde. Bul baǵytta aldaǵy ýaqytta da júıe­li jumystar júrgizý josparlanýda», dedi ol. S.Myńbaev óz sózinde kom­pa­nııa úshin qyzmetkerler men olardyń sheberlik talanty tabysty bıznestiń basty kórsetkishi bolyp sanalatynyn, sondyqtan «QazMunaıGaz» óz qyzmetkerlerin mańyzdy resýrs retinde qarastyryp, olardyń turmysy men eńbek jaǵdaılaryn jaqsartý saıasatyn júrgizip kele jatqanyn atap ótti. Bul kúnde kompanııada eńbek-áleýmettik qarym-qatynas boıynsha biregeı standart engizý maqsatynda jumystar atqarylyp jatyr. О́tken 2015 jyly «QazMunaıGaz» kompanııasynda jumysshylar tobyn áleýmettik qoldaý boıynsha tıptik ereje jumys isteı bastaǵan. Al, «QazMunaıGaz» Barlaý О́ndirý» AQ kompanııalary arasynda bız­nes-baǵyt boıynsha eńbekti ádil syıaqymen qamtamasyz etý maqsatynda biryńǵaı eńbekaqy júıesi engizilip, nátıjesinde birdeı mamandyqtar úshin tarıf­tik koeffısıentter biriz­dendirilgen. «Sizder bilesizder, álemdik daǵdarysqa jáne munaı baǵa­synyń turaqsyzdyǵyna baılanysty bizdiń sala úlken qıyn­dyqty bastan keshirýde. Biraq qandaı qıyn jaǵdaı bolsa da, QMG óndiristik kásiporyndary eńbekaqyǵa júıeli túrde ındeksasııa júrgizedi. Áleýmettik qoldaýdyń aǵymdyq deńgeıin saqtap otyrady. Bul QMG kompanııalar tobynyń kóbinde bıznes-baǵyt boıynsha jetken oń nátıjesine sáıkes múmkin bolýda. Atap ótý kerek, bul sondaı-aq, basshylyqtyń, jumysshylardyń jáne kásipodaqtardyń úılesimdi ári kásibı júmysynyń da zańdy nátıjesi», dedi S.Myńbaev. Aǵymdaǵy jyly elimizdiń munaı salasy jańa syn-qater­lerge betpe-bet kelýi múmkin. Álemdik ekonomıkadaǵy soń­ǵy trendter solaı degizedi. «QazMunaıGazdyń» bolashaǵy da munaı baǵasyna táýeldi. Munaı baǵasynyń túsýi qarjylyq-sharýashylyq qyzmettiń quldy­raýyna alyp kelýi múmkin. Elbasy N.Nazarbaevtyń sońǵy kezde árdaıym ishki qorlardy izdestirý qajettigi týraly oılary da nazar aýdartady. Ol óndiristiń tıimdiligin arttyryp, ár mamannyń óz ornynda jaýapkershiligin arttyrý qajettigin de atap ótken bolatyn. Árıne, tek daǵdarysty syl­taýratyp, aýyzdy qý shóppen súrtip otyrýdyń orynsyz ekenin qazir árkim de shamalaıdy. Bul oraıda «QazMunaıGaz» UK» AQ qandaı sharalar atqaryp jatyr degen saýaldyń tóbesi kórinedi. Kezdesý barysynda basqarma tóraǵasy ótken jyly bastalǵan bıznesti transformasııalaý baǵdarlamasynan kompanııa úlken úmit kútetinin tilge tıek etti. Úzdik mamandarǵa transformasııanyń ne ekenin bylaısha túsindirdi. «Transformasııa degenimiz – shy­ǵyndardy nemese qyzmetshilerdi qysqartýdy maqsat etetin qaı­ta qurylymdaý emes. Sizder ony naqty túsinýlerińiz kerek. Bul kompanııanyń árbir ju­mysshysynyń eńbegine baǵ­dar­lanǵan strategııalyq jos­par, jańa óndiristik ıdeologııa. Baǵdarlama boıynsha bıznes-úderistiń árbir qatysýshysy oryndalatyn ju­mysqa ózi­niń qarym-qatynasyn oı-ele­ginen ótkizýi qajet», dedi ol. Baǵ­dar­lamany júzege asyrý úshin jas mamandardyń belsendi qatysýy qajettigin atap ótip, QMG kompanııalar toby boıynsha jas­tar saıasatyn qalyptastyryp kele jatqan jastar isi jónindegi keńeske úmit artatynyn, sondaı-aq, QMG tobynyń menedjmentine eń bilimdi jáne tájirıbeli jas­tardy tartýǵa múmkindik be­retin biryńǵaı kadrlyq rezerv baǵdarlamasynan qaıtarym kúte­tindikterin jasyrmady. Jalpy alǵanda, jyl saıyn dástúrli túrde ótkizilip júr­gen «Úzdik maman» baıqaýy eńbek­kerlerdiń kásibı biliktilikterin shyńdaýǵa kómektesedi. Kási­bı mamandar óndiristiń tıim­diligin arttyrýǵa yqpal etedi, óz kásiporyndarynyń ujym­daryna jańa ıdeıalar men usy­nystar engizedi. Bul oraıda basqarma tóraǵasymen kezdes­ken on jeti úzdik mamannyń da óndiriske bergenderinen bereri kóp ekeni baıqalady. О́ıt­keni, baıqaýymyzsha kóp­shiligi – jastar men orta jas mólsherindegi túrli mamandyq ıeleri. Olar da óz kezekterinde basshylyqqa alǵystaryn bildirip, jumystaryna qatysty oı bólisti. QMG-nyń barlyq enshiles jáne táýeldi uıymdarynda jumys­shylardyń jumys isteý ýaqytyn, soǵan sáıkes eńbekaqyny biriz­dendirý, dýaldy oqytý máseleleri sóz boldy. Kezdesý sońynda úzdik mamandar arnaıy tósbelgilermen marapattaldy. Úzdik mamandar sondaı-aq, bıznes-baǵyttar jónindegi basshylarmen kezdesip, túrli óndiristik, áleýmettik máseleler boıynsha oı bólisti. «QazMunaıGaz» UK» AQ jas mamandarynyń ınnovasııalyq jobalar boıynsha ótken jy­ly bastalǵan baıqaýynyń qory­tyndysy jýyrda shyǵaryldy. QMG-nyń enshiles jáne táýeldi kompanııalarynan túsken 30 jobanyń ishinen 3 jeńimpaz anyqtaldy. Atap aıtqanda «Qarajanbasmunaı» AQ tehnık-geology Aıdyn Qojash 1-shi orynǵa, «Qarajanbasmunaı» AQ uń­ǵylardy zertteý jónindegi aǵa ın­jener Rýslan Aqmuhanov 2-shi orynǵa jáne «Pavlodar munaı-hımııa zaýyty» JShS 3-razrıadty zerthanashysy Áıkerim Izýeva 3-shi júldeli orynǵa ıe boldy. Saıys jeńimpazdary bilim­derin jetildirýge arnalǵan sertıfıkattarmen jáne es­kertkish syılyqtarmen marapattaldy. Bul ınnovasııalyq baıqaý­dyń maqsaty – jastardyń ın­novasııaǵa jańasha kózqarasyn qalyptastyrý, olardyń zııat­kerlik daǵdysyn damytý, ǵy­lymdy jastar arasynda nasıhattaý jáne túptep kelgende jańa tehnologııalarǵa ne­gizdelgen jobalar arqyly óndiristi damytý. Júldegerlerdi marapattaý rásiminde «QazMunaıGaz» AQ adam resýrstaryn basqa­rý jáne eńbekaqy tóleý jó­nindegi basqarýshy dırektory Serik Ábdenov sóz sóılep, júldegerlerdi quttyqtady. «Búgin biz «QazMunaıGaz» UK» AQ-tyń jas jumysshylary arasynda jastar saıasatyn júzege asyrý aıasynda jarııalanǵan alǵashqy ınnovasııalyq jobalar baıqaýynyń qorytyndysyn shyǵarý úshin jınalyp otyrmyz. Baıqaýǵa túrli sala boıynsha 30 joba usynyldy. QMG-ǵa tapsyrylǵan bar­lyq jobalardy biz VIII-shi KAZENERGY Jastar forýmyna joldadyq. Sizder ınnovasııalyq jobalar boıynsha baıqaý komıssııasy jumys istegenin jaqsy bilesizder. Jastar forýmynyń qorytyndysynda júldeli oryndar anyqtaldy. Sondaı-aq, QMG deńgeıinde qatysýshylardyń jobalaryn qarap, baǵalaý úshin QMG basqarma tóraǵasynyń buıryǵymen jeke komıssııa qurylyp, jobalarǵa krıterıı bekitildi. Bul komıssııa quramyna QMG óndiristik qurylymdyq bólimsheleriniń jetekshileri, «QazMunaıGaz» óndirý jáne burǵylaý tehnologııalary ǵy­lymı-zertteý ınstıtýty» JShS ókilderi jáne QMG jastar keńesiniń ókilderi engenin aıta ketý kerek», dedi ol. S.Ábdenov ınnovasııalyq jobalar baıqaýynyń budan bylaı jyl saıyn ótkiziletinin málimdedi. Jastar keńesiniń kún­tizbelik josparyna sáıkes bıylǵy jyly baıqaý ótkizý 3-4 toqsanǵa josparlanǵan. Búgingi kúni «QazMunaıGaz» UK» AQ kásibı mamandardy daıarlaý maqsatynda «Embimunaıgaz» AQ bazasyndaǵy Qulsary ken ornyn oqý-tájirıbelik synaq alańyna aınaldyrý týraly tujyrymdama jasaǵany belgili. Soǵan oraı ınnovasııalyq baıqaýda jeńiske jetken jobalar osy ken orny­nyń bazasynda synaqtan ótki­ziletin bolady. Sonymen qa­tar, usynylǵan jumystar KAZENERGY qaýymdastyǵy 2015 jyly ótkizgen «Innovation Man» baıqaýynyń úzdik ondyǵyna engenin de atap ótýge turarlyq. Shara barysynda Teńiz, Qara­shyǵanaq, Qashaǵan ken oryndaryn óńdeý jónindegi bas dırektor Evgenıı Ogaı ınnovasııalyq baıqaýda júldeli oryndarǵa ıe bolǵan jobalar jaıynda áń­­gi­melep, olardy óndiriske en­gizý, jetildirý, odan ári qandaı baǵytta jumys isteý máselesin qozǵady. QMG óndiris jónindegi departament dırektorynyń orynbasary Rınat Izmuhanbet sarapshylyq kózqarasyn bil­dirdi. Sondaı-aq, júldeli oryn­darǵa ıe bolǵan jas mamandar árqaısysy óz jobalarynyń erekshelikterine toqtalyp ótti. Jıyn sońynda «QazMunaıGaz» AQ adam resýrstaryn basqarý jáne eńbekaqy tóleý jónindegi basqarýshy dırektory Serik Ábdenov júl­degerlerdi marapattady. Jalpy, bul eki sharadan túıgenimiz, «QazMunaıGaz» UK» AQ aldynda mynadaı almaǵaıyp zamanda shynynda da zor mindetter tur. Sol mindetterdi abyroımen júzege asyryp, kompanııanyń odan ári damýy jolynda talmaı qyzmet atqarý, jańa múmkindikter izdestirý onyń árbir múshesiniń qasıetti boryshy. Sondaı-aq, maqsat-múddeniń ortaqtyǵy árdaıym ıgilikti isterge bastamaq. Sonymen qatar, mundaı sharalar «QazMunaıGaz» UK» AQ kompanııalar tobynyń mekemeleri men eńbek ujymdarynyń arasyndaǵy kásibı qarym-qatynastyń damýyna jol ashary sózsiz. Marat AQQUL, «Egemen Qazaqstan».