Bul kún – el halqy uıysqandyǵynyń nyshany

Shaımardan NÝRÝMOV, Qazaqstan uıǵyrlary respýblıkalyq etnomá­denı birlestiginiń tóraǵasy: – Men Jaratqanǵa Qazaqstan halqyna, sonyń ishinde Qazaqstan uıǵyrlaryna da Nursultan Ábishuly Nazarbaev sııaqty Elbasyn bergeni úshin rızamyn. Biz Qazaqstan jerinde jaqynyńa degen izgiliktiń, bir-birińdi ózara qoldaý men qurmetteýdiń ne ekenin jaqsy bilemiz. Osy jaıt barshamyzdy kún ótken saıyn jaqyn­dastyra túsedi jáne Elbasynyń Alǵys aıtý kúnin belgileý týraly Jarlyqqa qol qoıǵany Qazaqstan halqy uıysqandyǵynyń nyshany bolyp tabylady. Lıýdmıla HOChIEVA, Qarashaı-balqar etnomádenı birlestiginiń qurmetti tóraıymy: – Alǵys aıtý kúni – ótkenge qurmettiń belgisi, bul – bárimizdi bir halyq retinde biriktiretin rýh. Barshamyz úshin rýhanı kúsh retinde qyzmet etetin bizdiń Elbasymyzdyń saıasatyna qashanda rızamyz. Biz Jaratqan syılaǵan baılyǵymyz – beıbitshilikti, kelisim men keń-baıtaq Otanymyzda ómir súrip otyrǵan barlyq etnostardyń dostyǵyn saqtap kelemiz jáne ony saqtaı beretin bolamyz. Alǵys aıtý kúni – bolashaq urpaqty óz halqyńa, óz Otanyńa qyzmet etýdiń úlgisi bolyp tabylatyn dástúrlerdi laıyqty jalǵastyrýǵa úndeıtin kún bolady dep esepteımin. Sattar MÁJITOV, «Intellekt Orda» áleýmettik-gýmanıtar­lyq zertteýler halyqaralyq ıntegrasııa ınstı­týty­nyń bas dırektory, tarıh ǵylymdarynyń doktory, professor, akademık: – Qazaqstan Prezıdenti Nursultan Nazarbaevtyń Alǵys aıtý kúnin merekeleý týraly ıdeıasy Qazaqstan halqy Assambleıasynyń 20 jyldyǵy jylynda jarııa etilýi kezdeısoqtyq bolmasa kerek. Elimizdiń damý úderisteri qandaı irgetastarǵa arqa súıegenin qazirgi tańda anyq ańǵaryp otyrmyz. Sol irgetastardyń biri – Qazaqstandaǵy etnosaralyq kelisim. Árbir etnos, taǵdyrdyń jazýymen, óziniń bolashaǵyn Qazaqstanmen baılanystyryp otyr. Osy tańdaýdyń tarıhı qunyn da olar jaqsy biledi. Al ótkenimizge kóz jibersek, bizdiń elimizdiń polıetnostyq el bolǵanyna bir jarym ǵasyrdaı ýaqyt ótti. Osy jerde atap kórsetetin nárse – Qazaqstan óz táýelsizdiginiń shırek ǵasyrynda ǵana etnosaralyq qurylymnyń naǵyz úlgisin qalyptastyra aldy. Bul tabys kóp jaǵdaıda tarıhı jadymen jáne Qazaqstan halqynyń azamattyq boryshymen qamtamasyz etildi. Al elimizdi mekendegen júzden astam etnos ókilderiniń qazaq halqyna jaýap rızashylyǵy tek tarıhı paryzyn óteý ǵana emes, árıne. Bul – eń bir tarıhı kúrdeli jaǵdaılarda birlesip tirshilik ete alýǵa qabilettiliktiń uly nyshany. Elbasy atap kórsetkendeı, daǵdarystar ótedi, ketedi, sondyqtan bir sáttik álsizdikke moıynsunbaý mańyzdy. Tamara ShIRMER, ýkraındardyń Astana qalasyndaǵy «Obereg» qoǵamdyq birlestiginiń tóraıymy: – Taǵdyrdyń jazýymen qazaqtyń uly dalasy túrli etnostardyń tirshilik mekenine aınaldy. Osy aýmaqty mekendegen halyqtyń dili beıbitsúıgishtigimen, etnosaralyq jáne konfessııaaralyq taǵattylyǵymen erekshelenedi. Bul qazirgi Qazaqstannyń saıası jáne azamattyq tiregi bolyp otyr. Bıyl qazaqstandyqtardyń táýelsiz memleket qura bastaǵanyna 25 jyl tolady. Munda búginde ońtaıly etnostyq ahýal qalyptasqan. Qazaq halqynda atam za­mannan berik dostyq qarym-qatynas pen qıyn kezeń­derde qolushyn sozý qasıetteri joǵary baǵalanady. Aýyr synaq jyldarynda qazaq halqy ómirlik qıyn jaǵdaıda qalǵan etnostarǵa barymen bólisti. Bizderdiń, etnomádenı birlestikter ókilderiniń, izgilik pen qaıyrymdylyq qasıetteri ómirge degen qush­tarlyqtarymen astasqan qazaq halqyna aıtar al­ǵysymyz sheksiz. Al Memleket basshysy Nursultan Nazarbaevqa jańa mereke – Alǵys aıtý kúnin jarııa­laǵany úshin úlken rızashylyǵymyzdy bildiremiz. Natalıa LIVINSKAIа, Orystar, slavıandar jáne kazaktar uıymdary qaýymdastyǵy tóraǵasynyń orynbasary: – Árbir qazaqstandyq ata-babalar salyp ketken tárbıe jolymen ósip-ónip keledi. Ol tárbıeniń negizinde tóńiregindegilerge degen izgilikti qarym-qatynas, qaıy­rymdylyq pen janashyrlyq dástúrleri jatyr. Keıingi árbir urpaq adamdardyń júregine ornyǵyp, ómirlik ustanymyna aınalǵan osy syıdy kózdiń qarashyǵyndaı saqtap qala aldy. Qazaqstan halqy óziniń týǵan Otanynyń árbir azamatyn jaqyny sanaıdy. Osyndaı kezde ilgeriden kele jatqan rızashylyq sezimin bildirmeý ádiletsizdik bolar edi. Al barlyq etnostardyń bir-birine jáne qazaqtarǵa Alǵys aıtý kúni – qonaqjaılylyqqa, dostyqtyń adaldyǵyna jáne barsha qazaqstandyqtyń bir-birine degen súıispenshiligine Alǵys aıtý kúni bolyp tabylady. Rýstam KAIRYEV, QHA janyndaǵy «Jarasym» respýblıkalyq jastar uıymy tóraǵasynyń orynbasary: – Memleket basshysy Nursultan Nazarbaev Alǵys aıtý kúnin ýaqtyly belgilep otyr. Rıza bolý – ózińniń de bi­reýdi rıza etýiń degen sóz. Rıza­shylyq­tyń bel­gisi – alǵys aıtý. Bul qasıet qaı kezde de joǵary baǵalanǵan. Bizge osyndaı meıram qajet pe? Kerek ekenine esh kúmán joq! Eger osyndaı meıramǵa marketıngtik basymdyq be­rip, ony dástúrge aınaldyrsaq, ár qazaqstandyq­tyń boıyna bala kezinen izgiliktiń uryǵy sebiletini aqıqat. 1 naýryz – halqymyzdyń birtutastyǵyn bil­di­retin Qazaqstan halqy Assambleıasynyń qurylǵan kúnin Alǵys aıtý kúni retinde belgileýdiń nyshandyq máni asa joǵary. Bul kún barshamyzdy álemdegi eń dos jáne eń kópultty memleket retinde aıshyqtaıtyn kún bolsyn! Dmıtrıı KIM, «Qazaqstan koreıleri qaýymdastyǵy» respýb­lıkalyq qoǵamdyq birlestiginiń vıse-prezıdenti: – 1937 jyldan beri 80 jylǵa jýyq ýaqyt ótti. Bizdiń aqsaqaldarymyz Qazaqstan jerine kúshtep kóshirilgen sátti áli kúnge deıin úlken kúıinishpen eske alady. Sol jyldary kóptegen etnostar stalın­dik repressııanyń qurbandyǵyna aınaldy. Osyndaı qıyn-qystaý kezeńde qazaqtardyń meımandostyq qasıeti meniń týǵan-týysqandarymnyń ómirin qutqaryp qaldy. Biz birtutas qazaqstandyq otbasy retinde tyń jáne tyńaıǵan jerlerdi ıgerip, qalalar men eldi mekender turǵyzyp, zaýyttar men fabrıkalar salyp, odan keıin jas, egemen memlekettiń irgesin qalap, nyǵaıtýǵa atsalystyq. Biz sol bir taǵdyrsheshti kezeńde qaıyrymdylyq pen izgiliktiń úlgisin tanytyp, kómek qolyn sozǵan qazaq halqyna úlken qurmetpen qaraımyz. Bul – búgingi beıbit ómir men tynyshtyqtyń negizi. Nursultan Ábishuly, osy kún úshin Sizge úlken rahmet!