Ozyq tájirıbe tabysqa bastaıdy

Keshe Úkimet úıinde Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev taıaý­da Dúnıejúzilik banktiń Qazaqstandaǵy Turaqty ókili laýazy­myna taǵaıyndalǵan Ato Braýnmen kezdesý ótkizdi, dep habarlady Premer-Mınıstrdiń baspasóz qyzmeti. Taraptar Dúnıejúzilik banktiń qoldaýymen Qazaqstanda júzege asyrylyp jatqan jobalardy, sondaı-aq, bizdiń elimizdiń «Doing Business» reıtıngindegi pozısııasyn jaqsartý jónindegi reformalardy talqylady. Baqytjan Saǵyntaev kelis­sóz­der barysynda Qazaqstandy Dú­nıejúzilik banktiń «Enabling the Business of Agriculture» («Agrobıznesti damytý») esebine qosý­dy usyndy. Zertteý nátıjeleri Úkimet­ke taldaý jasaýǵa jáne aýyl sharýa­shylyǵynda bıznes júr­gizý úshin oryn alyp otyrǵan ákim­shilik kedergilerdi qysqar­týǵa, shetelderdiń tabysty tájirı­belerin eskere otyryp, táýelsiz sarap­shylar usynymdary negizinde AО́K-ti damytýdyń qazirgi bar baǵdarlamalaryna ózgerister engizýge, aýyl sharýashylyǵyn qoldaý­ǵa baǵyttalǵan bıýdjet qarjy­laryn neǵurlym tıimdi paıda­lanýǵa jaǵdaı jasaıdy. Onyń syrtynda óńirlerdegi otan­dyq aýylsharýashylyq taýarlaryn óndirýshilerge qoldaý jasaý jó­nindegi ortalyq jáne jergilikti atqarý organdarynyń jumystaryna baǵa berýge múmkindik týǵyzady. Alǵashqy «Enabling the Business of Agriculture» esebi 2016 jyldyń 28 qańtarynda jarııalandy. Onda 40 eldiń 10 taqyryptyq baǵyttary boıynsha retteýshilik tetikterine taldaýlar jasalǵan.