Mańyzy zor shara

El Táýelsizdiginiń mereıtoıyna oraı uıymdastyrylǵan «Máńgilik El» áleýmettik poıyzyna mingen qadirli qonaqtarǵa Aqqaıyń aýdanynyń jurtshylyǵy gúl shoqtaryn usynyp, kóterińki kóńil-kúımen qarsy aldy. Temirjol vokzalynda etnomádenı birlestikter, úkimettik emes uıymdar, jastar ókilderiniń qatysýymen ótken mıtıngini aýdan ákimi Dáýren Baıtóleshov ashyp, «Máńgilik El» áleýmettik poıyzy aıasynda Táýelsizdigimizdiń qol jetpes qundylyqtaryn nasıhattap, medısınalyq, quqyqtyq, taǵy basqa qyzmetter kórsetýdi basty maqsat etken aksııaǵa qatysýshylardy qasıetti Qyzyljar jerine kelýlerimen quttyqtap, jumystaryna tabys tiledi. Aıtýly sharaǵa qatysý­shy­lardy bastap kelgen top je­tekshisi Ámirjan Álpeıisov ózge aı­maqtar sekildi júzden astam ult ókilderi mekendeıtin Soltústik Qazaqstan oblysy turǵyndarynyń qushaq jaıa qarsy alǵandary úshin rızashylyǵyn bildirip, aksııanyń óskeleń urpaq úshin mán-mańyzyn atap kórsetti. Ol óz sózinde Qa­zaqstan shırek ǵasyrǵa jýyq ýa­qyt bederinde azat elge aınalyp qana qoımaı, ekonomıkalyq damý turǵysynan da alda kele jatqanyn, úlgi alar taǵylymdar men úrdister mol ekenin jetkizdi. Saltanatty sharadan soń Den­­­saýlyq saqtaý jáne áleý­mettik damý, Bilim jáne ǵylym mınıstrlikteriniń, «Ata­meken» ulttyq kásipkerler pala­tasy­nyń ókilderi aýdandyq ki­tap­hana men halyqqa qyzmet kór­setý ortalyǵynda kezdesý­ler uıym­dastyryp, qoǵamdyq qa­byldaý júrgizdi. О́tinish-tilekter aıta kelgen kópshiliktiń aryzdaryn muqııat tyńdap, she­shilýine yqpal jasady. «Ata­meken» ulttyq kásipkerler depar­tamentiniń sarapshysy Arnur Dáribaev, «Qaz­agroónim» AQ ap­parat bas­shy­­synyń atqarýshy dırektory Murat Ergeshbaev quqyqtyq jaǵynan túsiniktemeler berse, dárigerler ortalyqtandyrylǵan emhanada kelýshilerdi qabyldap, medısınalyq kómek kórsetti. Osy kúni aq halatty abzal jan­darǵa alty júzge jýyq adam tegin tekserýlerden ótti. Olardyń qa­ta­rynda Ǵalııa Súıindikova, Ybyraı Qusaıynov sekildi tur­ǵyndar bolyp, aq alǵystaryn jaýdyrdy. «Jumyspen qamtýdyń jol kartasy-2020» baǵdarlamasyna qatysýshylardyń biri Vladımır Kovalev aýyldyq jerde kásibin órkendetýge múmkindik berip otyr­ǵan jobalarǵa qýanyshty ekenin bildirdi. Tústen keıin «Máńgilik El» áleýmettik aksııasy sheńberin­de Pre­zıdent janyndaǵy «Qo­ǵam­dyq kelisim» respýblıkalyq mem­lekettik mekemeniń qyz­met­ker­leri men etnomádenı birlestikterdiń músheleri brıfıng uıymdastyryp, Joldaý talaptaryn, «100 naqty qadam» Ult Jospary maqsattaryn túsindirip, «Máńgilik El» ıdeıasy basty taqyryp arqaýyna aınaldy. Jastardyń bas bolýymen ótken flesh-mobta, «Meniń elim–Máńgilik El» kitap kórmesinde jurtshylyq Táýelsizdik qundy­lyqtaryn jan-jaqty sıpattaıtyn dúnıelermen tanysty. Oblys kórkemónerpazdarynyń kon­serttik baǵdarlamasyn tamashalady. О́mir ESQALI, «Egemen Qazaqstan». Soltústik Qazaqstan oblysy. Sýretterdi túsirgen Talǵat TÁNIBAEV.