Meksıkada zıka bezgegin juqtyrǵandar sany artyp barady

ASTANA. 1 naýryz. Meksıkada zıka bezgegin juqtyrǵandar sany 120 adamnan asty . Onyń 11-i júkti áıelder. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Meksıkada bul indet kún sanap jaıylyp barady. О́tken aptamen salystyrǵanda zıka bezgegin juqtyrǵandar 28 adamǵa artqan. Al júkti áıelder qatary sońǵy eki aptanyń ishinde eki esege kóbeıdi. Meksıkanyń densaýlyq saqtaý mınıstrliginiń habarlaýynsha, memlekettiń ońtústik-shyǵysynda ornalasqan Chıapase shtatynda 57 adam, Oahaka shtatynda 52 adam, Nýevo-Leonda 4 adam, Gerreroda 3 adam jáne taǵy bes shtattyń árqaısysynda bir adamnan qaterli indetke shaldyqqan. Zıka – maımyldar arasyndaǵy juqpaly aýrý. Al adamdar arasynda taraýyna negizinen Aedes aegypti túrindegi masalar sebepshi bolady. Indetti alǵash ret juqtyrǵan adam 1947 jyly Ýganda memleketiniń turǵyny bolatyn. Osydan soń Afrıka elderine tarady. Aýrýdy alǵashqy kezeńinde anyqtap bilý múmkin emes. Sebebi, belgileri ashyq túrde bilinbeıdi. Dene qyzýy azdap kóterilip, bas aýrýy, býyn jáne bel aýrýlary, sharshaý belgileri paıda bolady. Aıan Ábdýálı. Derek, sýret: RIA «Novostı».