KО́KShETAÝ. 1 naýryz. Aqmola oblysynyń ákimi Sergeı Kýlagın «Dostyq úıinde» Alǵys kúnine arnalǵan sharalarǵa qatysyp, jurtshylyqty izgi merekemen quttyqtady. Bul týraly egemen.kz tilshisi habarlady.
Shara barysynda óńir basshysy etnomádenı birlestikter daıyndaǵan «Qazaq eline taǵzym» kórmesin tamashalap, «Altyn alqa», «Kúmis alqa» medaldaryn tapsyrdy. Sondaı-aq, kópbalaly otbasylaryna syılyqtar taratty. Al 1 naýryz kúni tańerteń týǵan sábılerdiń ata-analaryna gúl shoqtaryn syılady.
Oblys ákiminiń orynbasary Nurlan Nurkenov pen elimizge belgili mesenat Bolat О́temuratovtyń «Asyl Mıras» qaıyrymdylyq qorynyń dırektory Marat Aıtmaǵambetovpen birge Kókshetaýdaǵy múgedek balalardyń medısınalyq-áleýmettik saýyqtyrý mekemesinde bolyp, qor atynan ujymǵa avtobýs, oıyn alańyna qajetti jabdyqtardy jáne medısınalyq quraldardy tapsyrdy.
Dál osyndaı shattyq sharasy Býrabaı aýdanynyń ortalyǵy Shýche qalasyndaǵy sábıler úıinde de ótkizilip, mekemege «Asyl Mıras» qory men Rixos Borovoe bes juldyzdy qonaq úıiniń atynan shaǵyn avtobýs pen medısınalyq jabdyqtar syıǵa berildi.
«Asyl Mıras» qorynyń dırektory Marat Aıtmaǵambetov bul qarjynyń 2015 jylǵy 30 tamyzda Rixos Borovoe qonaq úıinde ótkizilgen qaıyrymdylyq aksııasy sharasynda jınalǵanyn jáne mundaı qoldaý jýyq kúnderde Qyzylorda qalasyndaǵy eki birdeı áleýmettik nysan ujymyna da kórsetiletinin aıtty.
Baqbergen Amalbek.
Derek, sýret: egemen.kz.
