Alataý baýraıyndaǵy alǵys aıtý

Almatydaǵy Dostyq úıinde Alǵys aıtý kúnine oraı túrli etnomádenı birlestik ókilderiniń qatysýymen «Meniń Otanym – Qazaqstan!» atty merekelik fes­tıval bolyp ótti. Qala turǵyndary men qonaq­taryna shat-shadyman kóńil-kúı syılaǵan shara elimizdi meken etken túrli ult ókilderi uıymdastyrǵan merekelik konsertpen bastalyp, onda orys, ýkraın, ázerbaıjan, grýzın jáne taǵy basqa ult ókilderi qazaqtyń ulttyq ánderin shyr­qap, bıin bıledi. Qazaqstan Respýblıkasy Prezıdenti janyndaǵy «Qo­ǵamdyq kelisim» res­pýb­lıka­lyq mem­lekettik mekemesi men qala ákimdigi, Almaty qa­lalyq Qazaqstan halqy Assambleıasy hatshylyǵy birlese uıymdastyrǵan is-sharada atalǵan merekeniń ult birligi men yntymaǵy úshin mańyzdylyǵy atap kórsetildi. – 2016 jyldyń 14 qań­tarynda Elbasy Nursultan Nazarbaev Qazaqstan halqy As­sambleıasynyń qurylǵan kúni – 1 naýryzdy elimizde Al­ǵys aıtý kúni dep jarııalaý týraly Jarlyqqa qol qoıdy. Bul – qıyn kezeńde bir-birine arqa súıep, az ýaqyt ishinde jumyla kúsh sala otyryp, Elbasy jetek­shiligimen Táýelsiz Qazaq­stannyń bolashaǵyn birge somdaǵan el azamattarynyń ózara qurmet kúni, – dep atap ótti óz sózinde qala ákiminiń orynbasary Arman Qyryqbaev. Mereke kúnine oraı Al­ma­ty qalasyndaǵy ózge ult ókilderiniń etnomádenı bir­lestikteri ulttyq naqysh­taǵy buıymdar men qolóner zattarynyń, ár ulttyń salt-dástúrinen syr shertetin jádigerler men týyndylardyń kórmesin ótkizip, dýmanshyl jurttyń yqylasyna bólendi. Qanat ESKENDIR, «Egemen Qazaqstan». ALMATY. Sýretti túsirgen Iýrıı BEKKER.