Taksıde týǵan shaqalaq

Shyǵys Qazaqstan ob­ly­sy, Glýbokoe aýda­nyn­daǵy Belo­ýsovka aýy­lynyń turǵyny Ele­na Zaıdel avtokólik salonynda altynshy balasyn dúnıege ákeldi. Elena besinshi balasyn perzenthana ishindegi lıftide bosanǵan eken. Aıaǵy aýyr ananyń bul jolǵy tolǵaǵy da aıaq as­tynan keldi. Taksı júr­gizýshisi bolyp jumys is­teıtin kúıeýi Vladıslav kelinshegin perzenthanaǵa qaraı alyp ush­qanymen, jaryq dúnıege asyq­qan perzenti avtokólik ishinde dúnıege keldi. Osylaısha, 28 aqpan Vladıslav pen Elena úshin este qalarlyqtaı qýa­nyshty kún boldy. 36 jas­taǵy kelinshek Beloý­sovkadaǵy úıinde tol­ǵaǵy kelgenin sezip, bir­den per­zenthanaǵa jolǵa shyq­qandaryn, óıtkeni besinshi balasy Robert bosandyrý za­lyna jetpeı lıf­tide tý­ǵandyqtan, bul joly da sol jaǵ­daı­dy qaı­ta­la­maýǵa tyrys­qan­daryn aı­tady. Alaıda, Ahmer aýylyna jetkende kelinshektiń tolǵaǵy kúsheıe túsken. Áıelin aınalyp-tolǵan­ǵan Vladıslav kólikti jol­dyń shetine qańtaryp, Lenanyń aıtýy boıyn­sha, kelinshegin ózi bosan­dyrýǵa kirisedi. Qansha degenmen altynshy balasy emes pe! Tájirıbeli ana kindigine oralyp qalǵan balanyń jaǵdaıyna alań­daǵanymen, bári sátimen bolyp, balanyń kindigi perzenthanada kesildi. – Meniń kúıeýim batyl! Vlad­tyń medısınaǵa esh qa­tysy joq, kólik júrgi­zýshisi bolsa da qo­ly­­nan úlken is keldi, – deıd­i jańa bosanǵan ana maq­tanyshpen. Ana men bala orta­lyǵy dárigerleriniń aıtýynsha, qazir sábıdiń jaǵdaıy jaqsy. Úsh qyz, úsh ul ósirip otyrǵan Zaıdelder otbasy sábıdi asyǵa kútip júr. Dýman ANASh, «Egemen Qazaqstan». О́SKEMEN.