«Qazaqstan jáne Nazarbaev: ózgeris logıkasy» kitaby grýzın tilinde shyqty

ASTANA. 21 naýryz. «Qazaqstan jáne Nazarbaev: ózgeris logıkasy» atty kitap grýzın tilinde jaryq kórdi. Bul týraly 24.kz-ke silteme jasaǵan egemen.kz tilshisi habarlady. Grýzııanyń belgili tarıhshylaryn, saıasattanýshylaryn, ekonomısteri men áleýmettanýshylaryn qazirgi Qazaqstannyń ózgeris logıkasy týraly kitap qyzyqtyrady. Ermuhamet Ertisbaevtyń bul eńbeginde elimizdiń áleýmettik-ekonomıkalyq ahýalyndaǵy naqty málimetter jazylǵan. Ol bul kitabynda ásirese, Elbasynyń batyl bastamalaryn negizge alǵan. «Grýzın tiline aýdarylǵan bul kitap jergilikti jastardyń Qazaqstan týraly dúnıetanymyn keńeıtýge arnaldy. Osyǵan baılanysty olar Elbasynyń batyl bastamalary týraly kóp málimet alady. Kitaptyń shyǵýyna negizinen osy oıym túrtki boldy», – deıdi Grýzııadaǵy Qazaqstan Respýblıkasynyń Tótenshe jáne ókilet elshisi Ermuhamet Ertisbaev. Tuńǵysh Prezıdentimizdiń saıası sheshimder qabyldaǵany týraly kitapta jazylǵan ári álem ǵalymdaryn qyzyqtyrǵan qazirgi Qazaqstannyń qalyptasýy týraly derekter bar. Bul kitap az ýaqyttyń ishinde bestseller mártebesine laıyq dep tanyldy. Orys tilindegi tırajy 100 myń danaǵa jetip, Reseı men Germanııaǵa satyldy. Aıan Ábdýálı. Derek, sýret: 24.kz.