ASTANA. 21 naýryz. Avstrııadaǵy saılaý quqyǵyna ıe qazaqstandyqtardyń 81 paıyzy daýys berdi. Bul týraly 24.kz-ke silteme jasaǵan egemen.kz tilshisi habarlady.
Olardyń basym bóligi joǵary oqý ornynda bilim alyp jatqan stýdentter men túrli salada Venadaǵy halyqaralyq kompanııalarda qyzmet atqaratyn otandastarymyz. Daýys berý aıaqtalǵannan keıin ýchaskelik saılaý komıssııasynyń músheleri bıýlletenderdi sanaýdy ereje boıynsha júrgizdi.
«Venada №190 saılaý ýchaskesindegi saılaý aıaqtaldy. Jalpy qazaqstandyqtardyń 81 paıyzy daýys berdi. Daýys berý josparǵa saı ótti. Eshqandaı zań buzýshylyq bolǵan joq. Qorytyndysy boıynsha jetekshi orynda «Nur Otan» partııasy», – dedi Avstrııadaǵy ýchaskelik saılaý komıssııasynyń múshesi Almas Jolamanov.
Aıan Ábdýálı.
Derek: 24.kz.
Sýret: nur.kz.
