Jemisti jumys, Jarqyn jeńis

* Almaty «Nur Otan» partııasynyń kezekti jeńisi Almatynyń qaq ortasyn­da­ǵy Balýan Sholaq atyndaǵy sport saraıynda barsha saltanat-shashý­men toılandy. Saıası is-sharaǵa úsh myń­nan astam qala turǵyndary men par­tııa uıymynyń músheleri qa­tys­ty. Jınalǵandar aldyna shyq­qan Almatydaǵy eń tanymal nurotan­dyq­tar qala turǵyndaryna keshegi saılaýdaǵy tańdaýlary úshin shyn kóńil­den rızashylyq sezimderin bil­dir­di. Táýelsiz Memleketimizdiń shı­rek ǵasyrlyq mereıtoıynyń dál al­dynda jasalynǵan halyqtyq tartýǵa nurotandyqtar óz tarapynan es­e­len­gen jigerli eńbegimen jaýap bere­tindikterine sendirdi. – Qurmetti almatylyqtar! Sizder kúni keshe el taǵdyry men jas mem­le­ke­timizdiń bolashaǵyna beıjaı qaraı almaıtyndyqtaryńyzdy taǵy da dáleldep shyqtyńyzdar, – dedi belgili ǵalym, Joǵary oqý oryn­dary qaýymdastyǵynyń prezıdenti, pro­fessor Rahman Alshanov. – Parlament Májilisi men máslıhattardyń jańa quramy, sóz joq, sizderdiń bul senim­derińizdi aqtaýǵa tyrysady. Bizdiń aldymyzda partııa Kóshbasshysy – Elbasymyz Nursultan Nazarbaevtyń «5 ınstıtýttyq reformany júzege asyrý boıynsha 100 naqty qadam» – Ult Josparyn oryndaýdyń jarqyn kezeńi tur. Biz ony oryndaýǵa daıynbyz! Áıgili Sport saraıynyń ishi jeńim­pazdarǵa daýystap, dýyldata qol shapalaqtap kórsetilgen qoshemettiń tolqynymen talaı ret dúr silkindi. Bul shyn máninde shynaıy saıystaǵy shynaıy jeńimpazdarǵa kórsetilgen qurmet edi. Halyqaralyq IT ýnıversıtetiniń rektory Dámir Shynybekov qazir aqparat aǵyny toqtaýsyz aǵylǵan jańa dáýir ekenin alǵa tarta sóıledi. «Bizdiń elimizdiń aldynda jańasha damýdyń qarqyn alǵan senimdi strategııasyn jalǵastyrý mindeti tur. «Nur Otan» partııasy aldaǵy bes jylda osynaý ǵalamdyq máni zor baǵdarlamany júzege asyrý jolynda kezekti jeńiske qol jetkizedi. О́z basym osy kezeńde Qazaqstannyń álemdegi básekege qabi­letti 30 eldiń qatarynan oryn alýy­na «Nur Otannyń» úlesi aıryqsha bolatynyna senimdimin», dedi. Tańdaý mártebesine ıe bolǵan halyq qalaýlylarynyń arqalar júgi qazir­gideı álemdik daǵdarys beleń alǵan qıly kezeńde, tipti, aýyrlaı túspek. Je­ńim­pazdar forýmynda ol týraly da ashyq aıtyldy. Saltanat pen qýanysh forýmynyń sońy elimizdiń eń tanymal óner juldyz­darynyń konsertimen jalǵasty. Sýretti túsirgen Iýrıı BEKKER. * Aqtaý Aqtaýda «Nur Otan» partııasynyń saılaýdaǵy jeńisi Naýryz meıramymen birge atalyp ótti. Teńiz jaǵalaýynda ásem bezendirilip, «Birlik. Turaqtylyq. Jasampazdyq» ataýymen ótken forýmǵa jastar, qala turǵyndary men qonaqtary qatysty. – Biz búgin Elbasymyzdyń saıasatyn qoldaıtynymyzdy, onyń eń ja­qyn komandasynda ekenimizdi kórsetý úshin bas qosyp otyrmyz. Biz birlik, turaqtylyq, jasampazdyqty tý etken «Nur Otan» partııasyna senemiz! – dep sańqyldaǵan júrgizýshiler jı­nal­ǵandarǵa ekpin bere tústi. Otan jáne týǵan jer, osy uǵymdardy jan-táni­men súıý baǵytyndaǵy patrıottyq ánder áýelegen keshte «Jas Otan» JQ músheleri jalaýshalardy kókke kótere terbetti. Halyq aldyna shyqqan Mańǵystaý oblysynyń ákimi A.Aıdarbaev, Mań­ǵystaý oblystyq máslıhatynyń hatshysy, «Nur Otan» partııasy Mań­ǵystaý oblystyq fılıalynyń saılaýaldy óńirlik shtabynyń tóraǵasy B. Júsipov, Mańǵystaý oblysynyń qurmetti azamaty, qoǵam qaıratkeri Q.Erejepov, T.Shevchenko atyndaǵy ýkraın etnomádenı birlestiginiń múshesi, «Lıkosha» balabaq­sha­sy­nyń meńgerýshisi T.Artemenko, Mańǵys­taý oblysynyń kásipodaqtar orta­ly­­ǵynyń tóraǵasy Q.Janabekov  Mańǵystaý oblysynyń turǵyndary men qonaq­taryn «Nur Otan» partııa­synyń saılaýdaǵy jeńisimen jáne Ulys­tyń uly kúni meıramymen quttyqtady. Forýmnyń ekinshi bólimi merekelik kóńildi keshke, ıaǵnı jergilikti ónerpaz­dardyń konsertine ulasty. Gúlaıym ShYNTEMIRQYZY, «Egemen Qazaqstan». * Aqtóbe Ortalyq saılaý komıssııasyna al­dyn ala kelip túsken málimetterge sáıkes, naýqanǵa qatysqan alty saıası partııa­nyń arasynda úsheýi ǵana tıisti  shekti baǵyndyra aldy. Sonyń ishinde «Nur Otan» partııasy saılaýshylardyń 82,15 paıyz daýysyn alǵany belgili bolyp otyr. Osyǵan oraı oblys orta­lyǵyndaǵy QR Tuńǵysh Prezıdenti N.Nazarbaev atyndaǵy ortalyq saıabaqta aımaqtyq jeńimpazdar forýmy ótkizildi. «Alǵa, Qazaqstan, Alǵa «Nur Otan»! «Nursultan – Qazaqstan!» de­gen daýystar Aqtóbe aspanyn jań­ǵyrt­ty. «Nur Otan» partııasynyń ja­laý­shalaryn bul­ǵap, jalaýlaryn jel­biretken jeńim­pazdar qatary aýqymdy. Saıabaqqa jı­nal­ǵan myńdaǵan adamnyń júzderinen jeńistiń qýanyshty lebi esedi. Sahna tórinen patrıottyq ánder áýeni tógiledi. Qubylmaly kók­temniń kúni de shaıdaı ashylyp, aına­laǵa shýaǵyn shashýda. Munyń ózi jeńis qýanyshymen astasyp, kóńil kókjıegin keńeıte túsedi. Alqaly jıynda sóz alǵan oblys ákimi, «Nur Otan» partııasy oblystyq fılıalynyń tóraǵasy Berdibek Sapar­baev forýmǵa qatysýshylardy «Nur Otan» partııasynyń saılaýdaǵy aıqyn jeńisimen jáne Naýryz meıramymen quttyqtady. – Bul saılaýdyń basty ereksheligi, onyń jyl basy – Naýryz merekesimen tuspa-tus jáne el Táýelsizdiginiń 25 jyl­dyǵy qarsańynda ótýi der edim. Álem­dik saıası jáne ekonomıkalyq daǵ­darysqa qaramastan halyq birlik pen tatýlyqtyń úlgisin kórsetti, saılaýǵa uıymshyldyqpen qatysty. Saılaýshylar óz bolashaǵynyń Memleket basshysy N.Nazarbaevpen, Qazaqstannyń damýy­men jáne «Nur Otan» partııasymen bir ekenin taǵy bir dáleldedi. Aqtóbelik saılaýshylardyń 80 paıyzdan astamy «Nur Otan» partııasyn qoldap daýys berdi, Elbasy saıasatyna jáne elimizdiń erteńine degen senim artty. Bul sizderdiń Elbasynyń jáne memlekettiń saıasatyn qoldaıtyndyqtaryńyzdyń aıqyn kórinisi, – dedi óńir basshysy. Forýmda S.Báıishev atyndaǵy Aqtóbe ýnıversıtetiniń departament dırektory Konstantın Shaı sóz alyp, eldegi bere­ke-birliktiń Elba­synyń sarabdal saıa­satynan bastaý alatynyn atap ótti. Aqtóbe hrom qosyn­dylary zaýytynyń seh bas­ty­ǵy Maksım Mozgovyh forým­ǵa qaty­sý­shylardy jumysshylar aty­nan qut­tyqtaı kelip, 2017 jyldan bas­tap jumysshy mamandyǵyn tań­da­ǵan jastarǵa tegin kásiptik bilim beri­le­tinin Elbasynyń kóshbasshylyq kóre­gendigimen sabaqtastyrdy. «Jas Otan» jastar qanaty oblystyq fılıa­ly­nyń tóraǵasy Asyljan Búrkitalın jastarǵa jalyndy qımyl jarasatynyn jetkizdi. Eńbek ardageri Serik Bota­ǵarın, «Aqtóbe ferroqorytpa zaýy­ty» AQ untaqtaýshysy Andreı Dronov, oblystyq aýrýhananyń bólim meń­gerý­shisi Aıgúl Esirǵojına jáne bas­qalary Qazaqstannyń odan ári damýy úshin ótk­en saılaýdyń mańyzy zor ekenine jan-jaqty toqtaldy. Olar Elbasy N.Nazarbaevtyń bastamasymen qolǵa alynǵan «100 naqty qadam» Ult Jospary jáne bes ınstıtýttyq reformany júzege asyrýǵa óz úlesterin qosýǵa daıyn ekendikterin málimdedi. Satybaldy SÁÝIRBAI, «Egemen Qazaqstan». * Atyraý Atyraýda da «Nur Otan» partııasy­nyń músheleri men jaqtastary jeńim­pazdar forýmyn ótkizdi. Jeńimpaz par­tııanyń músheleri bul óńirde eselep ósip keledi. Qazir óńirlik fılıal qu­ra­­mynda partııanyń 32 023 bel­sen­di múshesi bar. Olardyń bári de par­­tııa baǵ­darlamasynyń sátti iske asýyna atsalysýda. Jeńimpazdar forý­myna qatysýshylar óńirde úde­meli ındýstrııalyq-ınno­vasııalyq jobalardyń iske asyrylyp kele jatqanyn qoldaıdy. «Nur Otan» partııasynyń Aty­raý oblystyq fılıaly 27 saılaý ok­rýgi boıynsha oblystyq máslı­hat de­­pý­­­­tattyǵyna ár saılaý okrýgi­nen bir kan­­dıdattan usyndy. Kandı­dat­tar qu­ramynda dáriger men zańger de, ká­sipker men munaıshy da, tipti, kásip­odaq uıymynyń ókili men aýyl sharýa­­shylyǵy salasynyń bilgir mama­ny da bar. – Bul jeńis – biz úshin úlken jetistik. Biz eldiń yqylasyna bólengen, el múddesi úshin jumys jasaıtyn partııa ekenimizdi taǵy dáleldedik. On jeti jyldan beri partııa Tóraǵasymen birge el turmysyn jaqsartýǵa atsaly­syp kele­miz. Saılaýdaǵy kezekti jeńisimiz «Nur Otan» partııasynyń múshelerine úlken jaýapkershilik pen jańa mindetter júkteıdi. Biz Elba­sy­nyń bastaýymen táýelsiz elimizdiń jańa bıikterge kóterilip, úlken jetistikterge jetetinine senemiz, – dedi jeńimpazdar forýmynda «Nur Otan» partııasy Atyraý oblystyq fılıaly tóraǵasynyń orynbasary Keńes Qosybaev. Joldasbek ShО́PEǴUL, «Egemen Qazaqstan». *Kókshetaý Qazaqstan Táýelsizdiginiń 25 jyl­dyǵy atalyp ótetin bıylǵy Naýryz meıramyn kókshelikter kóterińki kóńil­men, shat-shadyman dýmanmen toı­lady. Aqmola oblysynyń ákimi, «Nur Otan» partııasy oblystyq fılıa­lynyń tóraǵasy Sergeı Kýlagın óńir turǵyndaryn, qala qonaqtaryn beı­bit­shilik pen túsinistik, qut-bereke meı­ramymen quttyqtady. – Aǵymdaǵy jylǵy Naýryz – meı­ramyn merekeleý qoǵamdyq-saıası ma­ńyzy zor oqıǵamen, ıaǵnı Qazaq­stan Res­pýblıkasy Parlamenti Májilisiniń jáne barlyq deńgeıdegi máslıhattardyń saılaýymen tuspa-tus keldi. Keshe ǵana biz sizdermen óz Konstıtýsııalyq qu­qy­ǵymyzdy paıdalanyp saılaýǵa bel­s­ene qatystyq jáne búkil álemge aýyz­birligimiz ben yntymaǵymyzdy naqty ispen kórsete bildik. Bul degenimiz keli­sim men jalpyulttyq birligimizdiń jarqyn kórinisi bolyp tabylady. «Nur Otan» partııasynyń oblystyq fılıalynyń tóraǵasy retinde men zor qýanyshpen aldyn ala saılaý málimetterine sáıkes, «Nur Otan» partııasynyń aıqyn basymdyqpen jeńiske jetkenin aıtqym keledi. Bul jetekshi partııanyń strategııalyq baǵdarlamasy qazaqstandyqtardyń qoldaýyna ıe bolǵanyn bildiredi. Bul tek «Nur Otannyń» jeńisi emes, bul búkil halyqtyń jeńisi, – dep atap ótti partııanyń aımaqtyq fılıalynyń tóraǵasy S.Kýlagın. Táýelsizdik alańyna «Nur Otannyń» Aqmola oblystyq saılaýaldy shtaby­nyń, bastaýysh partııa uıym­da­ry­­nyń músheleri, belgili qoǵam qaı­rat­kerleri, partııanyń jaqtastary, óner salasyndaǵy zııalylar, ataqty sport­shylar, qoǵamdyq pikir serke­leri, jastar, oblys ortalyǵynyń tur­ǵyn­dary sóz alyp, demokratııalyq qoǵamymyzdyń qaryshty qadamyna tilektestigin bildirdi. Osy oraıda, partııanyń óńirdegi saılaýaldy 20 shtaby, partııa aktıvi bekitilgen júıelik kestege, respýb­lı­­ka­lyq shtabtyń usynystaryna jáne Ortalyq saılaý komıssııasynyń kún­tizbelik is-sharalar josparyna saı qyrýar jumystar atqarǵanyn atap ótýi­miz kerek. Turǵyndar arasyndaǵy úgit-nasıhat jumysy «QR saılaý tý­raly» Zańynyń, halyqaralyq nor­­ma­lar talaptarynyń aıasynda júr­gizil­di. Daıyndyq kezeńinde 414 myń adam­dy qamtyǵan, 2245 is-shara uıym­das­ty­ryldy. Bul iske partııanyń 1250 belsendi múshesi tartylǵan. Son­daı-aq, Parlament Májilisiniń depý­tat­ty­ǵynan partııa tizimi boıynsha úmit­ker­ler oblys aýmaǵynda 4500 adamdy qam­tıtyn 70-ten astam kezdesýge qatysty. Baqbergen AMALBEK, «Egemen Qazaqstan». Sýretti túsirgen Ermurat Dosymov. *Qaraǵandy  Qaraǵandy qalasynda Qazaqstan Respýb­lıkasy Parlamenti Májilisi men barlyq deńgeıdegi máslıhattar depýtat­tarynyń kezekten tys saılaýyn­da ba­s­ym daýysqa ıe bolǵan jeńim­paz­­dar­dyń forýmy oblys ákimdigi aldyndaǵy Táýelsizdik alańynda ótti. Saltanatty jıyndy ashqan oblys ákimi Nurmuhambet Ábdibekov jıylǵan qaýymdy saılaýdaǵy tarıhı jeńispen quttyqtap, Qaraǵandy óńirinde bul mańyzy zor saıası sharanyń joǵary deńgeıde uıymdastyrylyp, demo­kra­tııalyq talaptarǵa saı ótkenin aıtty. «Bul jeńis bizdiń qoǵamnyń turaq­tylyq pen órkendeýdi, jarqyn bola­shaqty tańdaǵanyn kórsetti, – dedi óńir basshysy. – Uzaq joldy baǵyndyrdyq, alda jańa mindetter tur. Sondyqtan da osy saılaýda eldiń gúldengen erteńi úshin erikti túrde tańdaý jasaý asa mańyzdy boldy». Jalpy, oblysta saılaýǵa tańdaýshy­lardyń 79 paıyzy qatysyp, «Nur Otan» partııasy aıqyn basymdyqpen jeńiske jetti. Saılaýdyń Arqa óńirinde zańǵa saı, ashyq jáne ádil túrde ótkenin halyq­aralyq baıqaýshylar da biraýyzdan atap ótti. Mysaly, Qaraǵandy oblysynda halyqaralyq baıqaýshy retinde jumys istegen Búkilreseılik qoǵamdyq pikirdi zertteý ortalyǵynyń bas dırektory Valerıı Fedorov: «Qazaqstandaǵy saılaý – halyqtyń óz qalaýyn erkin bildirýi», degen joǵary baǵa berdi. Sonymen qatar, jeńimpazdar forým­dary oblystyń basqa da iri qala­lary men aýdan ortalyqtarynda ótti. Mysaly, Jezqazǵan qalasynda jeńimpazdar «Nur Otan» partııasy ǵımaratynyń aldyna jıylyp, saltanatty jıyn uıym­dastyrdy. Keshegi saılaýdy jezqazǵandyqtar da jınaqy ótkizip, daýys berý sharasyna turǵyndardyń 79 paıyzy qatysty. Jeńimpaz «Nur Otan» partııasy bolsa 82,57 paıyz daýys alyp, el ishinde abyroı-bedelge ıe saıası kúsh ekenin taǵy bir márte dáleldedi. Qaraǵandy qalasy men oblystyń basqa da óńirlerinde ótken jeńimpazdar forýmynda halyq ózi senim artqan partııanyń jeńisine shyn júrekten qýa­nyp, jergilikti ónerpazdar daıyndaǵan konsertti tamashalap, asa kóterińki kóńil-kúıde boldy. Qaırat ÁBILDINOV, «Egemen Qazaqstan». *Qostanaı Bıyl Naýryzben qatar kelgen Qazaq­stan Parlamenti Májilisi men barlyq deńgeıdegi máslıhattar saılaýynda búkil qazaqstandyqtar daýys berip, óz tańdaýyn jasady. Osy saıası básekede «Nur Otan» partııasynyń taǵy da bási bıik boldy. Qostanaıda E.О́mirzaqov atyn­daǵy oblystyq fılarmonııanyń konsert zalyna óńirdegi partııa múshe­leri, jastar, zııaly qaýym ókilderi jınalyp, partııa jeńisin atap ótti. Aldymen jınalǵandar keshe tikeleı efır arqyly berilgen Ortalyq saılaý komıssııasynyń tóraǵasy Qýandyq Turǵanqulovtyń málimdemesin taǵy da qaıtalap tyńdady. Saılaý naýqanyna qatysqan alty partııanyń arasynda «Nur Otan» taǵy qara úzip, alǵa shyqty. Saılaýdyń aldyn ala qorytyndysy boıynsha «Nur Otan» partııasy barlyq daýystyń 82,15 paıyzyna ıe boldy. Qostanaı óńiriniń turǵyndary da saıası naýqanda belsendilik kórsetti. Ortalyq saılaý komıssııasynyń málimeti bo­ıynsha, saılaý kúni daýys berý paıyzy jaǵynan qostanaılyq saılaýshylar túske deıin-aq kósh bastaǵan bolatyn. Jaýyp turǵan qarǵa, aýa raıynyń qolaısyz, qubylýyna qaramastan, oblys saılaýshylarynyń óte joǵary belsendilik tanytqan jeńimpaz partııa forýmynda oblys ákimi Arhımed Muhambetov te atap ótti. – Saıası naýqan – eldiń birligine syn. Al bizdiń elimiz osy saılaýda taǵy da óziniń birtutastyǵyn kórsete bildi. Saı­laýdyń aldyn ala qorytyndysy bo­ıynsha, oblysymyzdaǵy saılaýshy­lar­dyń 82 paıyzy «Nur Otan» partııasyna daýys bergen. Búgingi tańda «Nur Otan» partııasynyń óńirde 68 myń múshesi bar. Elimizdiń jetekshi saıası uıymy osymen qatarynan úshinshi ret aıqyn basymdyqpen jeńiske jetip otyr. Halyq Elbasymyzǵa, partııaǵa, keleshekke sengendiginen osyndaı durys, ádil tańdaý jasady, – dedi oblys ákimi Arhımed Muhambetov. Munan keıin oblystyq ardagerler keńesiniń tóraǵasy Kenjebek Úkın, «Nur Otan» partııasynyń músheleri Ybyrash Estaev, Alma Dosjanova, Elena Danılova taǵy basqalar osynaý qýanyshqa óz tilekterin qosty, jetek­shi partııamen elimizdiń alǵa basa be­retindigine senim bildirdi. О́ńir óner­paz­darynyń án-jyry, bı men kúıi «Nur Otan» partııasynyń jeńisin súıin­shilep, shashý bolyp shashyldy. Názıra JÁRIMBETOVA, «Egemen Qazaqstan». *Qyzylorda N.Bekejanov atyndaǵy oblystyq mýzykalyq drama teatrynda «Nur Otan» partııasynyń jeńisine arnalǵan «Jeńimpazdar forýmy» ótti. Forýmda «Nur Otan» partııasy Qy­zylorda oblystyq fılıalynyń tór­aǵasy, oblys ákimi Qyrymbek Kósher­baev bul jeńis tórtkil dúnıege elimizdiń tu­tastyǵyn taǵy da bir pash etkenin aıtyp ótti. Qyzylordalyqtardyń 81,75 paıyzy saılaýǵa qatysyp, bul joly da erekshe belsendilik kórsetti. Tańdaý jasalar sátte oblys saılaýshylarynyń 82 paıyzdan astamy óz senimin jetekshi partııaǵa amanat etip tapsyrdy. Saılaýda jeńiske jetken jerles­terin quttyqtaǵan aımaq basshysy altynshy shaqyrylǵan máslıhattar qu­ramy men qurylymyna qatysty jańa­lyqtardy da atap ótti. Bıylǵy depýtattyq quramnyń 65 paıyzy jańaryp otyr. Oblystyq, qalalyq, aýdandyq máslıhattarǵa saı­lanǵan 147 depýtattyń 23-i áıelder qaýymynyń ókilderi. Iаǵnı, aldyńǵy qurammen salystyrǵanda áıelder úlesi 9-dan 17 paıyzǵa deıin, al jastar úlesi bes ese ósken. Oblys basshysy jańaryp, jasarǵan quramdaǵy halyq qalaýlylary belsendi jumys istep, óńir ekonomıkasy men áleýmettik damýyna tyń serpin beretinine senim bildirdi. Munan keıin forýmda Qazaqstan Parlamenti Májilisi depýtattyǵyna «Nur Otan» partııasy tizimi boıynsha kand­ıdat Balaıym Kesebaeva, jergi­lik­ti máslıhattaǵy jas depýtattar ara­sy­nan Táýelsizdiktiń qurdasy Erjan Ja­qypov, Jańaqorǵan aýdandyq máslı­haty­­nyń depýtaty Zaǵıpa Áb­já­lelova sóz sóılep, jerlesterin saı­laý­daǵy aı­qyn jeńisterimen quttyq­tap, elimizdiń ósip-órkendeýi jolynda ma­ǵynaly maq­sat­tardy júzege asyrýǵa kúsh-jiger­le­rin aıamaıtynyn jetkizdi. Munan soń qaty­sý­shylar shyrqaǵan «Atameken» ánimen forým aıaqtaldy. Erjan BAITILES, «Egemen Qazaqstan». * Oral Keshe Oral qalasyndaǵy «Nur Otan» saıası partııasy Batys Qazaqstan ob­lys­tyq fılıaly ǵımaratynyń úl­­ken májilis zaly halyqqa lyq tol­dy. Munda Parlament Májilisi saı­laýynda «Nur Otan» partııasynyń aı­qyn basymdyqpen daýys alýyna baı­la­nysty jeńimpazdar forýmy ótkizildi. Forýmda alǵashqy sózdi «Nur Otan» partııasy Batys Qazaq­stan oblystyq fılıalynyń tór­aǵasy, oblys ákimi Nurlan Noǵaev alyp, barsha Aqjaıyq jurtshylyǵyna saı­laý kúni kórsetken belsendiligi úshin rızashylyǵyn jetkizdi, sóıtip, olardy búgingi jarqyn jeńisimen quttyqtady. Sonyń ishinde «Nur Otan» partııasynyń mereıi ústem túsip otyr. Bul barsha Qazaqstan halqynyń ózara birligi men yntymaǵynyń nátıjesi. Jasam­pazdyqtyń jarqyn jemisi. Saılaý aldynda «Nur Otan» partııasy janynan qurylǵan saılaýaldy shtabtary men qoǵamdyq uıymdardyń birlesken is-qımylynyń qorytyndysy. Elimizde osyndaı jeńister men jetistikter kóp bola bersin, dedi ol odan ári. Budan keıin jeńimpaz partııa ókil­derin quttyqtaǵan qazaqtyń kórnekti aqyn qyzy Aqushtap Baqtygereeva bú­gingi «Nur Otan» partııasynyń saılaý­daǵy jarqyn jeńisi – eldiktiń basty bir kórinisi men úlgisi bola bilgenin aıtyp berdi. Barsha álemdik qaýymdastyqqa Qazaqstan degen el baryn, aýyzbirshiligi myqty qazaq degen memleket quraýshy ult baryn taǵy bir márte pash ettik. Buǵan Májilis pen máslıhattar saılaýyna álemniń túkpir-túkpirinen kelgen shet­eldik baıqaýshylar da kózderin jet­kizip, onyń ádil demokratııalyq sıpa­tyn aıǵaqtap otyr. Halyqtyń kózi kóre­gen. Halyqtyń kózi qyraǵy. Halyq­tan asqan dana joq. Halqymyzdyń tań­daýy «Nur Otanǵa» túsýi de onyń osyndaı baıqaǵyshtyǵynan, oǵan senim artýynan dep bilemin. Erkin eldiń erteńi jastar. Saılaý kúni men olardyń saılaý ýchaskelerinde kózderi ushqyn atyp jalyndap júrgenin, osyndaı órshil kóńil kúıde ýrnalarǵa saılaý bıýl­letenderin tastaǵanyn kórip qýan­dym. Ortaq jeńisimiz qutty bolsyn aǵaıyn! – dep aǵynan jaryldy aqyn apamyz. Forýmda «Nur Otan» partııasy Oral qalalyq fılıaly tóraǵasynyń birinshi orynbasary Darhan Qadyralıev eli­mizde ornyǵa bastaǵan adamı jáne qoǵam­­­dyq qundylyqtardyń Májilis pen más­lıhattar saılaýyn sony serpin­men ót­kizýge áseri tıgenine toqtaldy. Qazaq­stan halqy saılaý kúni oń ári du­rys tańdaý jasady. Bul bárimizdiń or­taq jeńisimiz, dep túıindedi ol óz oıyn. Sondaı-aq, «Nur Otan» partııasy janynan saılaý aldynda qurylǵan qoǵamdyq shtabtyń músheleri Saltanat Tumanbaeva men Lılııa Haırýllına keshegi saılaý kúni Táýelsizdik týyn bıikke taǵy bir jarqyrata jelbiretýge jol ashqanyn jetkizdi. Bul kún aldaǵy izgilikti ister men tyndyrymdy da tııa­naqty memlekettik baǵdarlamalardy júzege asyrýdyń jáne daǵdarysty erkin eńsere bilýdiń aqjoltaı, bastamashy kúni bolyp qalady, dedi olar. Temir QUSAIYN, «Egemen Qazaqstan». Sýretti túsirgen Rafhat HALELOV. *О́skemen Shyǵys óńiri «Nur Otan» par­tııa­­s­ynyń parlamenttik saılaý­daǵy jeńisine shat-shadyman mereke­men qol­daý kórsetti. «Birlik! Turaq­ty­lyq! Jasampazdyq!» atty jeńim­paz­dardyń óńirlik forýmynda shyǵys­qazaqstandyqtar táýelsiz hám qýatty Qazaqstandy qurýǵa múmkindik beretin mańyzdy ózgeristerge qatysýǵa ár­qashan da ázir ekendikterin jetkizdi. О́ske­mendegi Abaı eskertkishiniń aldynda oblys ortalyǵynyń myńdaǵan turǵyndary men qonaqtary qýanysh kernegen merekelik kóńil-kúımen bas qosty. Saılaýdyń aldyn ala shyǵarylǵan qorytyndylary óńir turǵyndarynyń belsendiligin baıqatyp, «Nur Otan» par­tııasynyń halyqtyń joǵary qol­daýyna ıe bolǵanyn kórsetti. Iаǵnı, oblys halqynyń 82,44 paıyzy Májilis pen máslıhattar saılaýyna qatysty. Forým barysynda elimizdiń saıası ǵumyrbaıanyndaǵy jańa kezeńniń bastalýymen birge halyqty hám depýtattyqqa saılanýshylardy «Nur Otan» partııasy Shyǵys Qazaqstan oblystyq fılıalynyń tóraǵasy, oblys ákimi Danıal Ahmetov  quttyqtady. – «Nur Otan» partııasy – azamat­tar­dyń ál-aýqaty men elimizdi ári qaraı damytýǵa baǵyttalǵan Prezıdent refor­­malarynyń qozǵaýshy kúshi. Shyǵys­­qazaqstandyqtar óz tańdaýyn ja­saı otyryp, uly zamandasymyz Nursultan Ábishuly Nazarbaevtyń tóńiregine toptasty. Osylaısha, Qazaq­stan­dy aýqymdy túrde jańǵyrtý min­detterin sheshýge árdaıym ázirligin bildirdi, – dedi Danıal Ahmetov. Sonymen birge, óńir basshysy jerlesterdi kóktemniń kórkem merekesi – áz Naýryzben quttyqtap, ár otbasyǵa baqyt pen shattyq tiledi. Aıta ketelik, Respýblıka alańyn­daǵy is-sharada arnaıy kıiz úıler tigi­lip, merekelik saýda-sattyq, sport­tyq jarystar men baıqaýlar ótti. Sondaı-aq, «Nur Otan» partııasy tikken kıiz úıge kelgen turǵyndar jeńis­pen quttyqtap, ulttyq taǵamnan dám tatty. Dýman ANASh, «Egemen Qazaqstan». *Petropavl Oblys ortalyǵyndaǵy Sport sara­ıyn­da ótken forýmǵa «Nur Otan» par­tııasynyń myńdaǵan qoldaýshylary bas qosyp, «Qazaqstan! Nursultan! Nur Otan!», «Alǵa, Qazaqstan! Jasa, Nur Otan!», «Birlik. Turaqtylyq. Jasam­pazdyq!» dep urandatty. Elimizdegi jetekshi saıası uıym­nyń Parlament Májilisi men bar­lyq deńgeıdegi máslıhattar depýtat­tary­nyń saılaýynda aıqyn basym­dyqpen jeńiske jetýine oraı uıym­da­styrylǵan aıtýly sharada aımaq bas­shysy, «Nur Otan» partııasy SQOF tóraǵasy Erik Sultanov jı­nal­ǵandarǵa jalyndy sóz arnady. «Bárińizdi Elbasy Nursultan Nazarbaev Tóraǵasy bolyp tabylatyn partııanyń ortaq jeńisimen quttyqtaımyn. Pre­zıdent halyq birligin nyǵaıtý, turaq­tylyqty saqtaý, ekonomıkalyq ósimdi qamtamasyz etý baǵdarlamalaryn usyn­ǵanyn, bul máselelerdiń saıası uıymnyń tuǵyrnamasynda aıqyn bel­gilengenin bárińiz jaqsy bile­siz­der», deı kelip, Erik Hamzauly sol­tús­tikqazaqstandyqtardyń úlken jaýap­kershilik pen saıası belsendilik tanyt­qandaryna rızashylyq bildirdi. Forýmda oblystyń qurmetti aza­ma­ty Qudaıbergen Qalıev, «Mám­betov jáne K» komandıttik serik­tes­ti­­giniń atqarý­shy dırektory Arys­tan Júnisov, Sol­tústik Qazaqstan gýma­nı­­tarlyq-teh­nı­kalyq kolledjiniń dı­rektory Alek­sandr Merk, oblystyq balalar aýrý­hanasynyń bas dárigeri Oleg Zavıalov, «Voda hrýstalnaıa» JShS dırektory Aleksandr Kazansev, «Qoǵamdyq kelisim» memlekettik kásip­ornynyń dırektory Ásemgúl Esqoja, M.Qozybaev atyndaǵy SQMÝ stýdenti Ekaterına Starostına sóz sóı­lep, shyn kóńilden shyqqan júrek­jardy tilekterin joldady. Jıyn sońy jergilikti kórke­mó­ner­pazdardyń konserttik baǵdarlama­syna ulasyp, patrıottyq rýhtaǵy ásem ándermen kómkerildi. О́mir ESQALI, «Egemen Qazaqstan». *Taraz Halqymyzdyń álem aldyndaǵy aby­roıyn taǵy bir asqaqtatqan saılaý Ulystyń uly kúni – Naýryz meıramymen tuspa-tus keldi. Qazaqstan Respýblıkasy Parlament Májilisiniń kezekten tys saılaýynda barsha otandastarymyz óz tańdaýyn jasady. «Nur Otan» partııasy úlken nátıjelermen jeńiske jetti. «Nur Otannyń» jeńisi – Qazaqstannyń kezekti bıik belesi. Barsha qazaqstandyqtar sııaqty, jam­byldyqtar da «Nur Otan» partııasynyń kúsh-jigeri men bolashaq josparlaryn  qoldaıtynyn bildirdi. Osyǵan baılanysty keshe Taraz qala­synda «Birlik! Turaqtylyq! Jasampaz­dyq!» atty jeńimpazdar forýmy ótti. Forýmda mádenıet qaıratkeri, Taraz qalasy men Talas aýdanynyń qurmetti azamaty Álibek Ámzeuly, «Aıvengo» JShS dırektory Lıýbov Popova, sonymen qatar, jas aqyn Begaıdar Amanbaev, «Qazfosfat» JShS sary fosfor óndirý sehynyń  apparatshysy Aleksandr Pıa sóz sóılep, «Nur Otan» partııasymen birge elimizdiń de eńsesi bıikteı beretinin pash etti. – Bolashaǵymyzdyń jarqyn ekenine kúmánimiz joq. О́ıtkeni, halqymyz El­basy­nyń dana da dara saıasaty arqa­synda tynysh, aspany ashyq, tamasha elde ómir súrip jatyr. Qazaqstannyń áleýmettik-ekonomıkalyq, óndiristik salada, halyqaralyq arenada qol jetkizgen úlken tabystarynda «Nur Otan» partııasynyń da eleýli úlesi bar dep bilemiz, – dedi Jambyl oblysynyń ákimi Kárim Kókirekbaev. Shynynda, «Nur Otan» partııasynyń maqsaty – bir bolý, birge bolý, ultqa qamqor, urpaqqa qorǵan bolý. Endeshe, barsha qazaqstandyqtarǵa ortaq jeńis qutty bolsyn! Táýelsizdigimiz baıandy, memleketimiz máńgi, eńseli elimizdiń keleshegi jarqyn bolǵaı! Forýmnyń sońy konserttik baǵdar­lamaǵa ulasty. Oralhan DÁÝIT, «Egemen Qazaqstan». * Taldyqorǵan Ortalyq alań tórinde sary, kók tústi matalar «Birlik! Turaqtylyq! Jasampazdyq!» degen jazýlarmen jelbireıdi. Bul «Nur Otan» partııa­synyń Parlament Májilisi men barlyq deńgeıdegi máslıhattar depý­tattarynyń saılaýynda jeńiske jetkendigin aıtqyzbaı-aq ańǵartyp tur. Osy qýanyshyn elmen bólisý úshin nurotandyqtar jalpyhalyqtyq saltanatty basqosý uıymdastyrdy. Tabıǵat-Ana da bul shattyqty qup kórgendeı, jadyraı jylylyq seýip tur. Kún men tún teńeletin osy táýlik­tiń úlken qýanyshyn bólisken jamıǵat ta shat. Áz Naýryzdyń alǵashqy kúnin Jetisý halqy osylaı qarsy alyp, qazaqy danalyqpen «qýanyshty bólis­se kóbeıedi» degen támsildi ózara aıtysýda. Sahna tórine shyǵyp alǵashqy sózdi alǵan «Nur Otan» partııasy saıası keńesiniń múshesi, Almaty oblysy ákiminiń orynbasary Baqtııar О́nerbaev erekshe ekpinmen, kóńilderge qýanysh toltyra, saıası naýqanda el óz tańdaýyn jasaǵandyǵyn aıta kelip, Parlament Májilisiniń depýtattyǵyna saılaýǵa túsken 124 nurotandyqtyń 10-y Al­maty oblysynan qosylǵandyǵyna toq­tal­dy. Árıne, bul jeńis saılaýaldy úgit-nasıhat jumysynyń zańnama tala­byna saı, josparly túrde atqa­rylǵan­dyǵynan da el qulaǵdar etildi. Kelesi kezekte, jeńimpaz partııa atynan Dına Nurpeıisova, jastar ókili Saǵı Atamhanov, Qazaqstan halqy Assambleıasy atynan Natalıa Belyh, ǵalym Saıda Sádýaqasova jáne basqa belsendiler «Nur Otan» partııasynyń barlyq múshelerin jeńispen quttyqtady. Sóıtip, taldyqorǵandyqtar el tynysh­tyǵy birligi, tatýlyǵy úshin kúni keshe aza­mattyq paryzyn ótep, «Nur Otan» partııasyn jaqtap daýys ber­gen­dikterine razy bola, eń bastysy, jaqsy jetistikke jetkenine qýana tarasty. Nurbol ÁLDIBAEV, «Egemen Qazaqstan». *Shymkent Shymkenttegi jeńil atletıka mane­jinde «Nur Otan» partııasy Oń­tús­tik Qazaqstan fılıalynyń uıym­dastyrýymen jeńimpazdar forýmy ótti. LED ekran ar­qyly sóz sóılegen Ortalyq saılaý komıs­sııasynyń tóraǵasy Qýandyq Turǵanqulov saılaý qorytyndysyn jarııa etti. – «Nur Otan» – halyqtyq partııa. Onyń osy saılaýda jeńiske erkin jete­tinine eshkimniń shúbási bolǵan joq, – deıdi «OQO Azamattyq alıansy» zań­dy tulǵalar birlestiginiń tóraǵasy, oblystyq máslıhattyń depýtaty Shá­rip­bek Jamalbekov. – Bul saılaý dodasynda «Nur Otan» 82,15 paıyz daýys jınap, márege shashasyna shań juqpaı jetti. Jeńiske jetý bar, moıynǵa alǵan jaýapkershilikti aıaǵyna jetkizip oryndaý jáne bar. Bul halyqtyq partııaǵa aınalǵan «Nur Otannyń» qolynan keledi. Saltanatty sharada minbege kóteril­gen oblys ákimi Beıbit Atamqulov jurtshylyqty shynaıy jeńisimen quttyqtady. Oblysta 1029 saılaý ýchaskesi ju­mys jasady. Daýys berýge quqyǵy bar 1 317 255 saılaýshy tirkelgen. El úshin úlken mańyzy bar sharada oń­tústikqazaqstandyqtar úlken uıym­shyldyq tanytyp, 85,06 paıyz daýys berdi. Bul Qazaqstannyń barsha oblys, qalalarymen salystyrǵanda jaqsy kórsetkish. Osy derekterdi tilge tıek etken oblys basshysy: – Saılaýda «Nur Otan» partııasy eń kóp daýys jınady. Demek, bizdiń turaqtylyqty, damýdy tańdady. «Nur Otan» partııasyna daýys berý arqyly Elbasy saıasatyn qoldaıtyndyqtaryn kezekti ret kórsetti. «Nur Otannyń» jeńisi – búkil eldiń ortaq jeńisi! – dedi. Forýmda el aǵalary, «Nur Otan» partııa­sy atynan saılaýǵa túsip jeńis­ke jetken depýtattar, etnomádenı bir­­lestikter ókilderi jáne jastar sóz alyp, bul jeńistiń zańdy ekendigin, «Nur Otan» partııasy halyqtyq par­tııaǵa aı­nal­ǵandyǵynyń jemisi eken­digin aıtty. Jıynda Shámshi Qaldaıaqov atyn­daǵy oblystyq fılarmonııanyń ánshi­leri men bıshileri óner shýaǵyn shashty. Bul saılaý barsha qazaqstandyqtar sııaqty, ońtústik turǵyndarynyń da kóshbasshy partııaǵa bar úmitin jalǵap otyrǵandyǵyn taǵy da baıqatty. Baqtııar TAIJAN, «Egemen Qazaqstan».