Jańa ózgeristerdiń bastaýy

Keshe Ortalyq kommýnıkasııalar qyzmetinde «Qazaqstandaǵy Parlament saılaýy-2016: nátıjeleri men baǵyttary» taqyrybynda dóńgelek ústel ótti. Oǵan Prezıdent janyndaǵy Qazaqstannyń strategııalyq zertteý ınstıtýtynyń dırektory Erlan Qarın jáne aqyly ortalyqtardyń sarapshylary men BAQ ókilderi qatysty. Jıynda Erlan Qarın aldymen qazaqstandyqtardy Naýryz merekesimen quttyqtady. Munan soń ol saılaý naýqany­nyń jo­ǵarǵy deńgeıde uıymdas­ty­ryl­ǵanyn tilge tıek etti. –  О́tken saılaý eldegi jańa  saıa­sı da­mýdyń, jańa ózgeristerdiń bas­taýy deýge bolady. Biz saılaýaldy naýqannan bastap saılaý kezindegi barlyq úderiske monıtorıng júrgizip otyrdyq. Aldyn ala málimet boıynsha, árıne, Parlamentke burynǵy shaqyrylymdaǵy partııalar ǵana ótken. Alaıda, saraptamaǵa sener bolsaq, Májiliste biraz jańa tulǵalar, biraz jańa esimder paıda bolady, – dedi Erlan Qarın. Sondaı-aq, dóńgelek ústelde táýelsiz sarapshylar da sóz alyp, saıası dodanyń uıymdastyrylý barysy men saılaýshylardyń belsendiligi jaıynda pikirlerin bildirdi.  Ásirese,  mamandar saıa­sı par­­tııalardyń saılaýaldy úgit-na­­sıhat jumystary kezinde áleýmettik jelilerdi qoldaný barysyn sóz etti. Saıasattanýshy Jarqyn Túsipbekuly saılaý naýqany kezinde áleýmettik jelilerdiń róli erekshe bolǵanyn atap ótti. – Jastar arasynda, áleýmettik jelilerde daýys berý prosesinen túsirilgen fotolar sánge aınaldy. Bul mindetti túrde saıası turǵyda samarqaý azamattarǵa yqpal etedi. 2012 jyly AQSh-taǵy prezıdent saılaýy kezinde halyqtyń 30 paıyzy áleýmettik jelilerde posttardy oqyǵannan keıin saılaýǵa barǵandaryn moıyndaǵan. Al taǵy 20 paıyzy áleýmettik jelilerdi paıdalanyp, ózgelerdi saılaýǵa úgittegen. Osy úrdis bizge kelgenin bıyl saıa­sı partııalar túsindi dep oılaımyn, – dedi J.Túsipbekuly. Aıta keteıik, sharada sa­rapshy mamandar ótken saı­laý naýqanyndaǵy qazaq­stan­dyqtardyń belsendiligin, jas­tar­dyń óz tań­daýyn jasaýda quqyqtaryn saq­taǵanyn jarysa sóz etti. Eń bastysy – álemniń nazary aýǵan saıası doda­nyń ádil ótkeni Qazaqstannyń már­tebesin asqaqtata tústi, dedi olar. Talǵat RAIYMBEK, «Egemen Qazaqstan».