Senimge selkeý túsirmeımiz

Keshe Qazaqstan Kom­mýnıstik halyq partııa­sy Ortalyq komıtetiniń keńsesinde Respýblıkalyq saılaýaldy shtab ókilderi kezekten tys Parlament Májilisi men máslıhattar saılaýlarynyń qorytyndysy boıynsha baspasóz más­lı­hatyn ótkizdi. Jıyn barysynda shtab jetekshisi Aıqyn Qońyrov Qazaqstan Kommýnıstik ha­lyq partııasy 20 naýryzda ótken saılaý nátıjelerin tolyq moıyndaıtynyn jáne ony barlyq saılaý naýqanynyń zańdy qo­ry­tyndysy dep sanaıtynyn málimdedi. – «Biz Ortalyq saılaý komıssııasy jarııa­laǵan daýys berýdiń aldyn ala qo­­rytyndysy elimizdegi saıası kúshterdiń shynaıy bolmysyna saı dep esepteımiz. О́tken saılaý erkin jáne ashyq boldy. Saılaý naý­qany kezindegi saılaýaldy kúres ádil júrgizildi. Bizdiń baı­qaýshylarymyz aı­tarlyqtaı zańbuzýshylyqtardy anyq­taǵan joq. Saılaýaldy dodany ashyq ári ádil ótkizýge barlyq jaǵdaı jasaldy», – dedi Aıqyn Qońyrov. Parlament Májilisiniń depýtattyǵynan úmitker Vla­dıslav Kosarev partııany qol­daǵan barsha qazaqstandyqtarǵa alǵys bildirip, senimderine selkeý túsirmeýge tyry­satyndyqtaryn atap ótti. Qazaqstan Kommýnıstik halyq partııasy qazaqstandyqtardyń jańa senim mandatyna ıe bolý arqyly osy joly da óziniń saıası alańdaǵy mańyzdylyǵyn dáleldedi. Biz kommýnısterge daýys bergen elimizdiń barlyq azamattaryna alǵys aıtamyz. Biz ózimizdiń qarsylastarymyzdy jeńisterimen quttyqtaımyz jáne egemendi Qazaqstannyń ıgiligi úshin birlese otyryp Parlamentte jemisti eńbek etýge senim bil­diremiz. Kezek­ten tys saılaý zańnamalyq ju­mysty jańa sapaǵa kóterip, Qa­zaqstandy aýqymdy túrde jańǵyrtýǵa baǵyttalǵan reformalardy iske asyrýǵa tıisti úles qosýǵa múmkindik beredi», – dedi Vladıslav Kosarev. Raýan QAIDAR, «Egemen Qazaqstan».