Mol múmkindikter berilgen naýqan

Parlament Májilisiniń depýtattaryn saılaý nátıjesi bo­ıynsha «Aýyl» halyqtyq-demokratııalyq patrıottyq par­tııasynyń tóraǵasy Álı Bektaev BAQ ókilderimen kezdesý ót­kizip, málimdeme jasady. Biz Qazaqstan Respýblıkasynyń Pre­zıdenti, Elbasy Nursultan Ábishuly Nazarbaevty «Nur Otan» partııasynyń laıyqty da tarıhı jeńisimen quttyqtaımyz, deı otyryp, partııa tóraǵasy keshegi ótken saılaýdyń ádil de ashyq bol­ǵandyǵyna nazar aýdardy. Sonymen qatar, osynaý  saılaý El­basynyń táýelsizdigimiz ben erkindigimizdi nyǵaıtý úshin,  keshegi qabyldanyp jatqan 5 ınstıtýttyq reforma men Ult Jospary —  «100 naqty qadamdy»  iske asyrý baǵytynda júrgizip otyrǵan  saıa­satynyń jalpy­ulttyq qoldaýǵa ıe ekenin taǵy bir ret kórsetip berdi. Elbasy týynyń tóńiregine jınalǵan halyq elimizdiń bolashaǵy men eldegi tu­raqtylyq úshin, yntymaq pen birlik jolynda daýys berdi dep esepteımiz, dedi partııa tóraǵasy. Sondaı-aq, «Aýyl» partııasy atynan ózge saıası partııalardyń basshylaryna saılaýdaǵy jeńisimen quttyqtaý joldandy. Bul rette,  saılaýda «Aýyl» partııasyn qoldap, senim artyp daýys bergen saılaýshylarǵa rızashylyq bildirildi. Saıası doda bolǵannan keıin onda alǵa qoıǵan maqsattar bolatyny, aldaǵy ýaqytta ony oryndaý úshin «Aýyl» partııasy áli de bolsa jumys jasaıtyny qadap aıtyldy. Jáne de keshegi Parlament Májilisiniń depýtattaryn saılaý teńdeı básekelestik ortada ótkenin, barlyq partııalar úshin úgit-nasıhat sharalaryn júrgizýge mol múmkindikter jasalǵanyn jetkizdi. Partııa tóraǵasynyń sózine qara­ǵanda, barlyq partııalarǵa ózderiniń saılaýaldy jumystaryn júrgizýge tolyqtaı jaǵdaılar jasaldy. Ol:  «Bul saılaý elimizdiń ári qaraı turaqty damýy men qoǵam jáne memleket arasynda syndarly kelisimdi qurýǵa múmkindik beretin der kezinde jasalǵan, mańyzdy qadam boldy», dedi. Jáne de biz ózimizdiń saılaýaldy  sharalarymyzdy júrgizip, saıa­sı baǵdarlamamyzdy jurtshylyqqa jetkize aldyq. Qazaqstandyqtardyń saıası mádenıeti bıik jáne azamattyq ustanymy joǵary ekenine keshegi saılaý kezinde  taǵy da kóz jetkizdik. El turǵyndaryn  Ulystyń uly kúni – Naýryz merekesimen quttyqtaı otyryp, barlyqtaryńyzdyń shańy­raqtaryńyzǵa shattyq,  bereke men birlik tileımin, dedi partııa tóraǵasy. Elmıra MÁTIBAEVA, «Egemen Qazaqstan».