Aqjoldyqtar el úmitin aqtaýǵa ázir

Keshe Qazaqstannyń «Aq jol» demokratııalyq par­tııa­synyń saılaýaldy shtabynda partııa jetekshisi Azat Perýashev baspasóz máslıhatyn ótkizdi. Buqaralyq aqparat quraldary ókilderiniń aldynda Azat Perýa­shev saılaýǵa belsene qatysyp, óz tańdaýlaryn jasaǵan barsha qa­zaq­­standyqtarǵa rızashylyǵyn bildirdi. Sondaı-aq, ol árip­testerine saıası dodadaǵy jeńis­terin resmı túrde baıandap, el júktegen senimge selkeý túsirmeý basty mindet ekenin aıtty. – Halyq bizdiń partııaǵa senim bildirip, qoldaý kórsetti. Endi biz el senimin aqtaýymyz kerek, – dep qysqa qaıyrdy ol. Sonymen qatar, Azat Tur­lybek­­uly Elbasy, «Nur Otan» par­tııa­synyń Tóraǵasy Nursultan Nazarbaev pen partııa múshelerin jańa jeńisimen quttyqtady. – Men óz atymnan jáne aq­jol­dyqtardyń atynan «Nur Otan» partııasynyń jetekshileri men mú­shelerin saılaýdaǵy jarqyn je­­tistigimen shyn júrekten qut­tyqtaımyn. Rasymen, qazaq­stan­­dyqtar jetekshi partııaǵa  úlken senim artyp, qoldaý kórsetti, – dedi «Aq jol» tóraǵasy. Baspasóz máslıhatynda Azat Perýashev aqjoldyqtarǵa qol­daý­shylar tarapynan artylǵan senim men mindetti oryndaý úshin tolymdy tirlik, bolymdy birlik kerektigin jetkizdi. Shara sońynda ol saılaý naý­qanynyń joǵary deńgeıde ótkenin, Ortalyq saılaý kommıs­sııasynyń óz mindetterin tolyq oryndaǵanyn baıandady. Sondaı-aq, «Aq jol» partııasynyń 7,22 paıyz daýys jı­naǵany osy ýaqytqa deıin at­qarylǵan jumystyń nátıjesi ekenin málimdedi. Aıta keteıik, búginde atalǵan partııanyń 175 myńnan astam múshesi bar. Al buǵan deıingi Par­lament Májilisiniń V sha­qyrylymynda partııa atynan 8 adam depýtattyq mandatqa ıe bolǵan edi. Talǵat RAIYMBEK, «Egemen Qazaqstan».