Fýtzaldan Qazaqstan quramasy syrt alańda Polshamen teń oınady

ASTANA. 23 naýryz. Fýtzaldan Qazaqstan quramasy álem chempıonatyna irikteý satysynda Polshamen kezdesip, 1:1 esebimen teń tústi. Bul týraly egemen.kz tilshisi habarlady. Match Polshanyń Shesın qalasynda ótti. Oıynnyń 4-mınýtynda Qazaqstan quramasynyń oıynshysy Serik Jamanqulov esep ashyp, komandamyzdy alǵa shyǵardy. Budan keıin qos komanda da birqatar joıqyn shabýyldar uıymdastyrǵanymen, gol soǵylmady. Tek oıynnyń aıaqtalýyna 27 sekýnd qalǵanda alań ıeleri sapynan Marsın Mıkolaevıch mergendigimen kózge túsip, tarazy basyn teńestirip ketti. Endi qarsylastar 12 sáýir kúni Almatyda qarymta kezdesý ótkizedi. Sol oıynda jeńiske jetken komanda osy jyldyń 10 qyrkúıegi men 2 qazany aralyǵynda Kolýmbııada ótetin fýtzaldan álem chempıonatyna joldama alady. Atalǵan dop dodasyna 24 qurama qatysatynyn atap ótken jón. Elaman Qońyr. Derek: egemen.kz. Sýret: kairat-futsal.kz.