Dinı birlestikterdiń kezekti otyrysy

Astana qalasyndaǵy «Ázi­ret Sultan» meshitinde Dinı bir­lestikter ókilderi jınaly­synyń kezekti otyrysy ótti. Is-sharaǵa Qazaqstanda tirkelgen dinı birlestikterdiń, Qazaqstan Dintanýshylar kongresiniń, Mádenıetter men dinderdiń halyqaralyq ortalyǵy men Qazaqstan Respýblıkasynyń Mádenıet jáne sport mınıstrligi Din isteri komıtetiniń basshylary jáne ókilderi qatysty. Otyrys aıasynda memleket pen dinı birlestikter arasyndaǵy yntymaq­tastyqtyń, rýhanı kelisimdi nyǵaıtýdyń ózekti máseleleri talqylandy, sonymen qatar, Qazaqstannyń dinı birlestikter ókilderiniń atynan Naýryz meıramyna baılanysty Qazaqstan halqyna quttyqtaý haty bekitildi. Resmı baǵdarlama aıaqtalǵannan keıin jınalystyń músheleri men qonaqtary úshin «Áziret Sultan» meshitine ekskýrsııa uıymdastyryldy. Is-sharanyń resmı bóliginen keıin oǵan qatysýshylarǵa ystyq sháı, «Naýryz kóje» dástúrli taǵamy, shyǵys tamaqtary usynyldy. Sondaı-aq, túrli konfessııa ókilderi «Asyq atý», «Arqan tartý» ulttyq oıyndaryna belsene qatysty. «Egemen-aqparat».