Álemdegi eń kúshti bala

Kabardın-Balqar respýblıkasynda turady Álem jurtshylyǵy Jambýlat Hatohov esimdi kabardy balasynyń esimin eń alǵash ret 2003 jyly estidi. Sol kezde jasy 3-ke endi tolǵan alyp uldyń salmaǵy 17 kılo tartypty. Al taǵy tórt jyldan keıin orta mekteptiń birinshi synyby ta­baldyryǵynan attaǵan onyń salmaǵy 115 kıloǵa bir-aq jetipti. Sol Jambýlat qazir 16-ǵa tolyp, jasóspirimdik kezeńge kelgen. Onyń qazirgi salmaǵy 226 kılodan asady. Bir aıtarlyǵy, bozbala kishkene kúninde de, búginderi de tamaqsaýlyqpen eshbir kózge túspegen, ózi qatarly balalardyń tábetindeı mólsherde aýqat iship júrgen, salmaǵy qanshalyqty kóp bolǵanyna qaramastan, dene qı­mylyn jasaýda ábjildik pen eptilik kórsete biledi, alýan túrli sporttyq oıyndar oınaǵandy jaq­sy kóredi. Balanyń anasy Jambıka ulynyń bulaısha alyp bolyp týýyna tuqym qýalaýshylyq sebep ekenin aıtady. Onyń «Bogatyr» degen laqap aty bar atasy zor tulǵaly kisi bolypty. Kezinde dárigerler Jambýlatty tamaqtan qatty qysyp, dıetaǵa otyrǵyzyp qoıýǵa da keńes bergen eken. Biraq bala birden qatty aryqtap ketýge kelispegen, ózindeı balalardyń jegenin jep júre bergendi qalaǵan. Sosyn onyń osy ýájine bári toqtaǵan. Jasy 16-ǵa kelgenge deıin «álemdegi eń kúshti bala» birneshe teleshoýǵa kórik berip, derekti fılm­­­­derge túsip úlgeripti. So­nyń ishinde Japonııa men Uly­brı­ta­nııadan kelgen jýrnalıs­terdiń sha­qyrýlary boıynsha habarlarǵa qatysqan. Osylaı alyp bolyp týǵan Jambýlat endi sýmo kúresiniń sheberi atanyp, Olımpııalyq oıyn­dardyń medalin jeńip alýdy armandap júrgen kórinedi. Damır QOJAMQUL.