Dóńgelek shyny úı

keler jyly Almatyda salynady Aldaǵy jyly Almatyda jas sáýletshi Aıbek Almasovtyń sılındr tárizdi erekshe úıiniń qurylysy bastalady. Jan-jaǵyn 360 gradýsta emin-erkin baqylaýǵa bolatyn shyny úı 4 qabattan turady. Úıdiń qaq ortasynda bıiktigi 12 metrge jetetin qaraǵaı ósip tur. Shyny ǵımarattyń metaldan quıylǵan tórt tireýishi bar, úıge engender aınalma baspaldaqpen joǵary kóteriledi. Perde ilinbegen, kedergi súıenish qoıylmaǵan, qabyrǵa eki qabat shynydan jasalǵan. Joba avtorynyń alǵa qoıǵan maqsaty – qalanyń qajytqan «tas ormanynan» bir mezette sytylyp shyǵyp, taza tabıǵattyń aıasynda tynyǵý. Qazir jobaǵa eki ınvestordyń ańsary aýyp otyr­ǵany málim boldy. Olardyń biri shyny qa­byr­ǵalarǵa kún batareıalaryn japsyryp, jasap shyǵaratyn zaýyt ıesi eken. Bir sózben aıtqanda, «ashyq-shashyq» bolǵanmen, bolashaqtyń ǵımaraty sanalatyn shyny úıde qazirgi talapqa saı energııa únemdeıtin «jasyl» tehnologııa molynan paıdalanylady. Almatydaǵy sáýlet-qurylys akademııasynyń túlegi Aıbek Almasov buǵan deıin BION-velosıpedin jasap shyǵarǵan. Kelesheginen kóp úmit kúttiretin jas sáýletshi eńbeginiń janatynyna senimdi. Onyń bes aıda qurastyrǵan bul úıi tapsyrys berýshi úshin qazirgi baǵamen eseptegende 86 mıllıon 250 myń teńgege tústi. Talǵat SÚIINBAI, «Egemen Qazaqstan». ALMATY.