Ekpinde at sportyna ekpin beriledi

Tarbaǵataı óńirinde asyl tu­qymdy jylqy ósirip, alamanda at ozdyryp júrgen azamat­tar bar­shylyq. Jekelegen jylqy­qumar jandardy bylaı qoıǵanda, Aqjar aýylynda «Tulpar» ulttyq sport túrleri klýby jumys isteıdi. Ser­jan Omarbekov jetekshilik etetin kommýnaldyq kásiporyn 16 adamdy jumyspen qamtyp otyr. Aýyl jastaryn ulttyq oıyndar­ǵa baýlyp kele jatqan mekeme aý­dandyq, oblystyq jarystarda júldeli oryndardan kórinip júr. At sportyna aıryqsha den qoıǵan aýdan atalǵan baǵyttaǵy jumystardy úzdiksiz jalǵastyryp keledi. Taıaýda Ekpin aýylynda zamanaýı at sporty mektebi ashyldy. At sporty túrlerin damytý maqsatynda tusaýy kesilgen jańa nysandy «Dastan» sharýa qojalyǵynyń jetekshisi Bolat Qoıbaǵarov memleket-jekemen­shik áriptestigi  aıasynda óz qarajaty­na salǵan eken. Bul mektep jastardy báıge, kókpar, aýdaryspaq, qyz qýý syndy ulttyq sport túrlerine baý­lıdy. – Qazaq – ejelden sáıgúlik bap­taǵan el. Egemendik alǵaly tulparlar taǵdyry qazaqy qa­ny bar azamattardyń qolyna kóshti. Táýelsizdiktiń arqasynda Qazaq eli baǵzydan kele jatqan ulttyq ónerin jańǵyrtýǵa den qoıdy. Búginde elimizdiń barlyq óńirlerinde derlik memlekettik qazynadan qarjylandyrý ar­qyly qurylǵan at sporty mek­tep­teri bar. Al bul nysan aýyl­­dasymyz, kásipker Bolat Qoı­baǵarovtyń jeke qarajatyna salyndy. Aldaǵy ýaqytta mem­leket-jekemenshik áriptestigi sheń­berinde mekteptiń atbegileri men ózge de qyzmetkerleriniń eń­bek­­­aqysyn aýdandyq bıýdjetten qarjylandyrýdy jospar­lap otyrmyz, – dedi mekteptiń ashylý saltanatynda aýdan ákimi Dildá­bek Orazbaev. Oblys ákiminiń qoǵamdyq ke­ńesshisi Amantaı Sámetov tar­ba­ǵataılyq órender arasynda at sporty sheberleriniń kóp ekenin, sonyń arqasynda aýdan bes jyl qatarynan oblystyq spartakıadada birinshi orynnan kórinip kele jatqanyn erekshe atap ótse, aýyl aqsaqaly Jambyl Ahmetqalıev jylqyǵa mingen jastyń densaý­lyǵy myqty bolatynyn aıtyp, jańa bastamaǵa sáttilik tiledi. Mek­­tep­­tiń tusaýkeser lentasyn tar­­baǵataılyq belgili qalamger­ler Meıram Oralov pen Aıat Er­baev qıdy. Jalpy, mektep qurylysy­na 5 mıllıon teńge jumsalǵan eken. Bıik ári jaryq, aýasy keń qorajaıda jylqy janýary­na barlyq jaǵdaı jasalǵan. Báıge attaryna jeke-jeke kabına bekitilgen. Munda taza jáne jartylaı qandy aǵylshyn, arab jylqylary men Qostanaı asyl tuqymdy jylqysy ósirilýde. «Aqbaqaı», «Juldyz», «Suńqar», «Kóktorǵaı», «Hanshaıym», «Baq­tory», «Qaraqat» syndy ataý­larynyń ózi jylqy esiminiń ǵa­jap galereıasyn túzip tur. Atbegi Qaırat Qosqynbaev jylqylarǵa ýaqytymen jem-shóbin berip, jaratatynyn, bul mekteptiń soń­ǵy kezde ekpindik balalardyń jıi keletin ornyna aınalǵanyn jetkizdi. 8 adamdy jumys­pen qam­tyǵan keshenniń taǵy bir erek­­sheligi, aýyl janynda atsha­bar ornalasqan. Sondaı-aq, at sporty mektebiniń bazasynda múmkindigi shekteýli balalardy emdeý maqsatynda ıppoterapııa or^­talyǵy jumys isteıtin bolady. – At dese ishken asyn jerge qoıa­tyn halyqpyz ǵoı. Báıge attaryn baptaýmen aınalysyp júrgenime úsh-tórt jyl bolyp qaldy. Qazaq báıgelerdi erekshe qurmettep, jabýlap ustaǵany belgili. Sondyqtan, ata murasyn zamanǵa saı damytý úshin osy nysandy saldyq. Aýyl­­da jylqyny baǵalaı bilýge baptaǵandy unatatyn balalar kóp. Bizdiń maqsatymyz da sol – búgingi kompıýter aldy­­nan shyq­­paıtyn balalardy jylqyny baǵalaı bilýge tárbıeleý. Shabandoz, kókparshy bolyp ósken balalar bolashaqta densaýlyǵy myqty, oıy júırik azamat retinde qalyptasatynyna senimim kámil, – dedi «Dastan» shar­ýa qojalyǵynyń jetekshisi Bolat Qoıbaǵarov. Dýman ANASh, «Egemen Qazaqstan».  Shyǵys Qazaqstan oblysy, Tarbaǵataı aýdany. Sýretti túsirgen avtor.