Ońtústikte ınnovasııalyq tehnologııa máselesi qaraldy

ShYMKENT. 28 naýryz. Ońtústik Qazaqstan oblysynyń ákimdiginde Qazaq ulttyq agrarlyq ýnıversıtetiniń rektory Tilektes Espolov bastaǵan joǵary oqý orny ǵalymdarynyń qatysýymen semınar-jıyn ótti. Bul týraly egemen.kz tilshisi habarlady. Eki jaqqa da paıdaly kezdesýde ǵalymdar qatysýshylardy sýarmaly jerlerge ınnovasııalyq tehnologııalardy endirý, iri qara maldyń tuqymyn saqtap qalý, qarqyndy baýlarda alma ósirýdiń sony tehnologııasyn endirý jáne ózge de baǵyttar aıasynda ǵylymı jumystarymen tanystyrdy. Semınar-jıyn sońynda ákimdik pen atalǵan joǵary oqý orny arasynda yntymaqtastyq memorandýmǵa qol qoıyldy. Oblys ákimi Beıbit Atamqulov jańa tehnologııalardy paıdalanbaı aýylsharýashylyǵynyń kenjeleı beretindigin, sondyqtan Ońtústikte iri ǵylymı-zertteý ortalyǵy qurylatyndyǵyn san márte aıtqan bolatyn. Bilikti ǵalymdardyń bul sapary sol oıdyń qarlyǵashyndaı seziledi. Baqtııar Taıjan. Derek, sýret: egemen.kz