Belarýste zeınetkerlik jas 3 jylǵa uzartyldy

ASTANA. 29 naýryz. Belarýs Respýblıkasynda zeınetkerlik jas 3 jylǵa uzartyldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Qazirgi kezde zeınetkerlik jas er adamdar úshin 60 jastan, al áıel adamdar úshin 55 jastan bastalady. Osy aptada memleket prezıdenti Aleksandr Lýkashenko zeınetaqy jasyn arttyrý máselesi boıynsha jıyn ótkizdi. Jıyn sońynda bul istiń sheshimi kelesi aptada qabyldanatynyn málimdedi. Al eńbek jáne halyqty áleýmettik qorǵaý mınıstri Marıanna Shetkınanyń aıtýynsha, 2017 jyldyń 1 qańtarynan bastap, birtindep jarty jyldan uzartqan tıimdi. «Zeınetkerlik jas áıel adamdar úshin 58 jastan, al er adamdar úshin 63 jastan bastalatyny týraly sheshim qabyldandy. Aldaǵy kúnderi osy máselege qatysty normatıvtik aktige qol qoıylady», – dedi Belarýstiń vıse-premeri Natalıa Kochanova. Aıan Ábdýálı. Derek, foto: RIA «Novostı».