Halyq jazýshysy Ábish Kekilbaevtyń murasy saqtalady

ASTANA. 29 naýryz. Mańǵystaý oblysynyń ákimi Alık Aıdarbaevtyń tapsyrmasy boıynsha Qazaqstannyń halyq jazýshysy, kórnekti qoǵam jáne saıası qaıratkeri Ábish Kekilbaevtyń mádenı muralaryn saqtaý jáne  shyǵarmalaryn kópshilikke tanytý jónindegi arnaıy komıssııa qurylatyn bolady. Bul týraly egemen.kz tilshisi habarlady. Oblystyq mádenıet basqarmasy komıssııa múshelerin anyqtap, is-qımyl josparyn jasaqtaıdy. «Ábish aǵa tek qana bizdiń aımaqqa emes, sondaı-aq barlyq elge tanymal tulǵa. Onyń aty búkil álemge belgili. Búgingi bizdiń maqsatymyz – bolashaq urpaqqa ulaǵatty murasyn saqtap, tanytý. Sol sebepti komıssııa qurý jáne sharalardy josparlaý kezde mindetti túrde Mańǵystaý oblysy turǵyndarynyń oı-pikirleri eskeriledi», dedi Alık Aıdarbaev. Uzaq merzimdi jospardy júzege asyrý úshin jergilikti bıýdjetten qarajat bólinedi. Dastan Kenjalın. Derek, sýret: Mańǵystaý oblysy ákiminiń baspasóz qyzmeti.