Qazaq sýretshisi

Reseı astanasynda kórmesin ótkizdi Máskeýdegi Ulttar úıinde sýretshi Nurlan Ábishevtiń keskindeme men grafıkaǵa arnalǵan «Syr-shertpe» atty jeke kórmesi ótkizildi. Oǵan qylqalam sheberiniń tól týyndylary qoıyldy. Bulardyń qatarynda onyń Nıý-Iorktegi «Qulpyrǵan kóktem» baıqaýynda úzdik shyqqan sýretteri de boldy. – Men óz shyǵarmalarym arqyly qazaq halqynyń ishki álemin, rýhyn, adam­gershiligin tolyq ashyp kórsetýge tyrystym. Al tuńǵysh qyzym dúnıege kelgende qalaǵa basqasha kózben qaradym. Bul kóz­qarasym taǵy 200 týyn­dyǵa aınaldy. Ekinshi qyzym ómirge kelgende óz kórkemdik stılimdi qalyp­tastyrdym. Qazir óz bazamdy, tuǵyrnamamdy jasaýdamyn. Jaqyn arada ony da tanystyramyn, – dedi sýretshi kórmede. Aıta keteıik, re­seı­likter Nurlan Ábi­shev­­tiń shabytynan týǵan t­ýyndylarǵa qyzy­ǵý­shylyq tanytty. Ma­mandar tarapynan onyń sheberligine joǵary baǵa da berildi. – Grafıka bul, árıne, sýretshiniń eń myqty ju­mysy dep aıtýǵa bolady. Halyqtyń ańyz, ertegisi – bári toptastyrylǵan mun­da. О́te qyzyqty, bizdiń qyzmetkerler de, qonaqtar da shyǵarmashylyq týyn­dylarǵa tańǵaldy, – dedi Máskeý Ulttar úıiniń qyz­metkeri Olga Karelına. Búginde sýretshiniń týyn­dylary eýropalyqtardy da qyzyqtyryp otyr. Son­dyq­tan, ol jeke kórmesin endi alys shetelderde ótkizýdi josparlap otyr. Jomart QAIRATULY.