Qaıtarymy mol kóktemgi jármeńkeler

Aımaqaralyq kooperasııa aıasynda oblystyń elimizdiń ońtústik óńirlerimen yntymaqtastyq árip­testikti qalyptastyrý jumys­tarynyń aýqymy keńeıe túsýde. Naýryz aıynyń alǵashqy senbi­sinde oblys ortalyǵyndaǵy «Or­da» bazarynda Qyzylorda jáne Aqtóbe oblystarynyń taýar ón­dirý­shileri ónimderiniń kórme-jármeńkesi uıymdastyrylyp, qala turǵyndary arzan azyq-túlikke qaryq bolyp qalǵan bolatyn. Sol jármeńkede Syr óńi­riniń kásipkerleri men taýar óndirýshileri delegasııasyn bas­tap kelgen Qyzylorda oblysy ákiminiń orynbasary Serik Qojanııazov 22 sharýashylyq qurylymdary 130 tonnadan astam azyq-túlik ónimderin ákelgenin, bul ónimderdiń jalpy quny shamamen 30 mıllıon teńge bolatynyn aıtqan edi. Sonymen qatar, «Aqtóbeniń ónimderi» aksııa­sy­nyń jalǵasy retinde ári qy­zylordalyq kásipkerlerge tanystyrý maqsatynda bul jár­meńkede jergilikti 21 kásip­oryn óz ónimderin usyndy. Qyzylordanyń kúrishi, baly­ǵy, tuzy, kartoby, sábizi, pııazy, eti, taǵy basqa azyq-túlik ónim­­deri jaqsy ótkenine kýá bol­ǵa­nymyz bar. Qalalyqtar basqa saýda oryndaryndaǵy baǵa­larǵa qaraǵanda birshama arzan baǵamen azyq-túlik satyp alý múmkindikterine ıe boldy. Sol jármeńkede qyzylordalyqtar kúrishtiń kelisin 150 teńgege saýdalady, al jergilikti saýda oryndarynda kúrishtiń kelisi – 220 teńge turady. Kartoptyń kelisi – 50 teńge, pııaz – 35 teńge, sábiz 45 teńge boldy. Araldyń balyǵynyń kelisi 250 -350 teńge shamasynda satyldy. Oblysta aımaqaralyq kooperasııany óristetý úrdisi jalǵasyn tabýda. Bul joly «Orda» baza­rynda Jambyl oblysynyń aýyl­sharýashylyq taýarlaryn óndi­rýshi kásipkerleri óz ónimderin tutynýshylarǵa usyndy. – Bizder Aqtóbege 100 tonnadaı azyq-túlik ónimderin ákeldik. Iаǵnı, 10 tonna kartop, 80 tonnadan astam kókónis túrleri, onyń ishinde 50 tonna jýa, 3 tonna sút ónimderi, 2,5 tonna makaron, 2 tonna kolbasa ónimderi, bir tonnadaı ósimdik maıy saýdaǵa shyǵaryldy. Kartoptyń ár kelisi – 45, jýa 30 teńgeden satylýda, – dedi Jambyl oblystyq kásipkerlik basqarmasy basshysynyń orynbasary Samat Úrpekov. Ol Jambyl oblysynda agrar­lyq sektor jaqsy damyp otyr­ǵanyn tilge tıek ete kelip, sóz arasynda ózderiniń taza tabıǵı ónim­derine Qytaı elinen de suranys túsip jatqanyn bul baǵyt­taǵy jetistik retinde atap ótti. О́ńir­aralyq áriptestiktiń basqa salalar boıynsha da nyǵaıty­latynyn jetkizdi. Jármeńkege qatysqan aqtóbelik kásipkerler de saýda sórelerine óz ónimderin molynan shyǵardy. Oblystyq kásipkerlik basqarmasy basshysynyń orynbasary Asqar Kókeev bizdiń óńirdiń basqa oblys­tarmen saýda yntymaqtastyǵy jalǵasa beretinin málimdedi. Onyń aıtýynsha, endigi kezekte Oń­tús­tik Qazaqstan oblysynyń aýyl­sharýashylyq ónimderi jetki­ziledi dep kútilýde. О́ńiraralyq kooperasııa aıasynda aldaǵy ýaqytta aqtóbelikter de óz ónimderin basqa oblystarǵa aparýdy oılastyrýda. Budan basqa «Tabys» jáne «Altaı» bazarlarynda da azyq-túlik qoljetimdi baǵalarmen satyldy. Jármeńkelerge kelýshilerge konserttik baǵdarlamalar usy­nyl­dy. Olardyń júıeli uıymdas­tyrylýy qalalyqtardyń bazarlarda arzan azyq-túlik satylaty­nyna degen senimin nyǵaıta túsýde. Satybaldy SÁÝIRBAI, «Egemen Qazaqstan». Aqtóbe oblysy. Sýretti túsirgen Haıreden RAÝShANOV.