Qazyǵurt

Qazaqta: «Qazyǵurttyń basynda keme qalǵan. Ol áýlıe bolmasa nege qalǵan», – dep aıtylatyn ápsana bar. Nuh paıǵambardyń kemesi qaıyrlaǵan deıtin ańyz-áńgimege jurt qulaı senip, kóp adamdar mereke kúnderi qasıetti taýdyń basyna kóteriledi. Bul joly Ońtústik Qazaq­stan oblysy kásipkerlik, ındýs­trııalyq-ınnovasııalyq damý jáne týrızm basqarmasynyń uıymdastyrýymen 150 adam «Qazyǵurt» shyńyna shyqty.  El táýelsizdiginiń 25 jyldyǵy men «Naýryz» merekesine arnal­ǵan sharaǵa tájirıbeli alpınıstermen qatar, mektep oqý­shylary, jergilikti joǵary oqý oryndarynyń stýdentteri, ata-analar balalarymen qatysty. Qazyǵurt tóbesinen qarap turǵan Alataýdaı asqaq emes, teńiz deńgeıinen 1761 metrdeı ǵana bıik. Sondyqtan, onyń bıigin baǵyndyrý qıyndyq tý­ǵyzbaıdy. Ońtústik Qazaqstan ob­ly­sy kásipkerlik, ındýs­trııalyq-ınno­vasııalyq da­mý jáne týrızm basqarmasynyń basshysy Marat Qarabaev: «El Táýelsizdiginiń 25 jyldyǵy ár qazaqstandyq úshin torqaly toı. Dúnıe júzinde ultaraqtaı da jeri joq, árkimge kirme bolyp tozyp júrgen ulttar da bar. Al, halqy shaǵyn bolsa da Qazaqstan jer kólemi jaǵynan álemde alǵashqy toǵyzdyqqa kiredi. Muny jas urpaq bilip-ósýi kerek. Otanyn qadirleýdi, ata-baba amanatyna adal, óz eliniń patrıoty bolyp ósýi úshin osyndaı bastamalar kerek dep oılaımyn. Bul saparda bizben birge jas balalar da ere júrdi. Olardyń júzinen Otanyna degen maqtanysh, erteńge degen senim, alańsyz balalyq shaq kórdik», – dedi. Baqtııar TAIJAN, «Egemen Qazaqstan». Ońtústik Qazaqstan oblysy.