Aǵaıyndy Mahrovtar

jasaǵan áshekeı buıymdar suranysqa ıe Aǵaly-inili Mahrovtar – on saýsaǵynan óner tamǵan naǵyz sheberler. Olardyń Aqmola oblysyna qarasty Býrabaı aýdanynda jeke sheberhanalary bar. Búginde ustalardyń qolynan shyqqan áshekeı buıymdardy aýyldastary talasa-tarmasa satyp alady. Taıaýda Kókshetaý qalasynda isker áıelder forýmy ótti. Sharaǵa kelgen qyz-kelinshekter aldymen qolóner sheberleriniń buıymdary qoıylǵan kórmege qatysty. Son­da aǵaıyndylardyń qolymen jasalǵan áshekeılerine qatty qyzyǵyp, tipti talasa satyp aldy. Sondaı-aq, isker áıelder ara­synda kúndelikti turmysqa qajetti qolóner buıymdaryn unatyp, satyp alǵandar da bar. Ásirese, nan ónimderin salatyn kárzeńkege suranys mol boldy. – Biz úshin qolóner ata kásibimiz ispettes. Ákemiz únemi bizge óziniń bilgenin úıretýden jalyqqan joq. Onyń óz sheberhanasy bolǵan. Baýyrym ekeýmiz kún saıyn ákemiz­diń janynan shyqpaı, áshekeı buıymdardy, basqa da qajetti zat­tardy qalaı jasaý kerektigin úırendik, – deıdi Nıkolaı Mahrov. Aıta keteıik, aǵaıyndylardyń ustahanasynan shyqqan árbir buıym joǵary sapaǵa ıe. Sondaı-aq, aqmolalyqtar da otandyq ónimdi qoldaý maqsatynda osy sheberlerdiń taýarlaryn kóptep satyp alýdy ádetke aınaldyrǵan. Talǵat RAIYMBEK, «Egemen Qazaqstan».