Aılyq bastaldy

Keshe Ulttyq akademııalyq ki­tap­­­hanada «Bul kitap álemi...» at­ty Kitap aılyǵyna arnalǵan bas­pasóz konferensııasy bolyp ótti. Atalmysh shara Mádenıet jáne sport mınıstrliginiń qoldaýymen Ult Jospary «100 naq­ty qadam: barshaǵa arnalǵan qazir­gi zamanǵy memleket» Bolashaǵy Birtutas Ult» baǵytyn júzege asyrý jónindegi is-sharalar aıasynda jáne Halyqaralyq balalar kitaby kúni men Búkilálemdik kitap jáne avtorlyq quqyq kúnine oraı ótkizdi. Onyń negizgi maqsaty – kitaptyń, mádenıet pen bilimniń mán-mańyzyn túsindirip, ǵalymdardyń eńbekterin, qalamgerlerdiń shyǵar­mashylyǵy men kitap mereıtoılaryn nasıhattaýǵa úndeıdi. – Ulttyq akademııalyq kitaphanada 62 is-shara ótkiziledi dep josparlanyp otyr. Olardyń ishinde 21 kitap jáne vırtýaldy ekspozısııalardan kórmeler, abaıtanýshy, shákárimtanýshy, aqyn, jazý­shy, dramatýrg, Qazaq QSR ánurany sózi  avtorlarynyń biri Qaıym Muhamedhanovtyń 100 jyl­dyq mereıtoıyna baılanys­ty «Alash murasynyń kózi» taqyry­byndaǵy eske alý keshi, «Ádebı meımanjaıdaǵy» zııaly qaýymmen oqyrmandardyń kezdesýi, kitap mereıtoılary – Júsipbek Aımaýytovtyń «Qartqoja» roma­nynyń (90 jyl), Ákim Tarazıdyń «Quıryqty jul­dyz» (50 jyl) povesiniń, Ánýar Álimjanovtyń «Sývenır ız Otyrara» (50 jyl) povesiniń benefısi, «Táýelsiz Qazaqstan ensıklopedııasy» ın­ter­net-jobasynyń tusaýkeseri, 3 ǵylymı dáris, sonyń ishinde «Sóz­dikter jáne sózdik jumysynyń damýy» taqyrybyndaǵy dáris, «Me­niń súıikti shyǵarmam» atty kitap konferensııasy, «Meniń ómirimdi ózgertken kitap» oqyrman benefısi, balalar kitaby aptalyǵy, «Dáýir jáne Tulǵa. Z. Shashkın – jazýshy, dáriger, dramatýrg» taqyrybyndaǵy dóńgelek ústel, Halyqaralyq balalar kitaby kúnine baılanysty Astana qalasyndaǵy Heılıberı Astana halyqaralyq Ulybrıtanııa mektebiniń ádebı festıvali, t.b. bar. Osylardyń barlyǵy Kitap aılyǵynyń aıasynda ótetin sharalar, – dedi alǵash bolyp sóz alǵan Ulttyq akademııalyq kitaphananyń basshysy Úmithan Muńalbaeva. Sondaı-aq, jıynǵa akademık, «Bir el – bir kitap» aksııasyn uıym­dastyrý komıtetiniń tóraǵasy Ǵa­rı­folla Esim, jazýshy, fılologııa ǵylymdarynyń doktory, profes­sor Tursyn Jurtbaı, jazýshy Tolymbek Ábdiraıymuly qatysyp, bastamanyń qadamyna sáttilik tilep, óz usynystaryn da ortaǵa saldy. Raýan QAIDAR, «Egemen Qazaqstan».